Miss Me 瑣事日記

My turn

Hope it helps

盲妹

我心愛嘅女兒 Franki, 因為佢阿媽今日粗心大意嘅安排,令到佢中暑、抽筋,仲完全失去咗視力兩個鐘!!睇住個女好辛苦、好努力同好堅強咁捱過咗剛才個噩夢,宜家又無晒事,變番平時個傻妹咁,令我覺得佢真係好叻、好勁,好以佢為榮!今次嘅經歷除咗令媽咪學識以後一定要處理得更好之外,仲……令 Franki 多咗個花名,叫「盲妹」!😜

打算游勻十九區之紅磡海韻軒

打算游勻十九區之紅磡海韻軒

一個低能嘅偵探故事

今晚同朋友仔食完宵夜自己一個搭的士返屋企,一上的士梗係搏命㩒電話。㩒咗無耐,feel 到張的士櫈震得好緊要,有啲驚。我第一時間諗係咪司機前面啲接 order 電話震到我度,但係見司機無乜反應、啲電話 screen 又無著燈所以應該唔係。然後即刻諗我係咪唔覺意袋埋咗我 friend 個電話然後佢喺度震,但又高速回想番成晚我連見都無見過佢個電話咁濟,所以肯定唔會。當我皺晒眉頭喺度推測緊會唔會譬如係地震之類嘅時候,我突然醒起,然後摸一摸大髀罅,真係有人漏咗部電話喺度。我即刻接聽個來電,係機主打嚟,仲要係住喺海怡,所以我亦約咗佢聽日嚟香港仔攞番個電話,而一個低能嘅偵探故事亦係咁就完咗喇。 故事真正嘅結尾:頭先機主個媽咪(機主係一名將要去美國讀書叫 Daniel 嘅 West Island 學生哥) 上嚟 The Loving Tree 攞番個電話,仲竟然俾份禮物答謝我。不過個聖誕牌出賣咗佢係轉讓一份自己唔要嘅聖誕禮物俾我。我嘅皮膚唔啱用 body shop 系列,所以好嘢,Maricel 又有新嘢用 lu! 😄

菠蘿雪梨 🍍🍐 汁 + minions

買咗杯菠蘿雪梨 🍍🍐 汁入去睇 minions 後嘅結論係: 1)杯果汁幾好飲; 2)齣電影幾好瞓。

In memory of Steve Jobs

好,in case someone notices and wonders, 現在正式宣布,我決定咗跟隨我最仰慕嘅 Steve Jobs 嘅步伐,以後日日著同一款嘅衫,多謝。 (我有信心應該 last 到一個月。😁)

Kiki & Butter 終於搬家了

搬家了的 Kiki & Butter, 你們要幸福喔!媽媽會常來看你們的!

跑馬地經紅隧返西灣河

是晚趣事 B:原來跑馬地返西灣河要經呢度,同埋唔駛落錶嘅。 (事原堅拿道接東廊入口突然修路,逼我地架的士入紅隧!我地喺隧道口前帶住莫名其妙嘅心情停埋一邊等工作人員救命。收到嘅指示係要過到九龍喺出收費廣場前行一條神秘の路,兜番過海再上東廊!做咗 39 年香港人第一次行呢條路線同埋見識呢條秘道,同埋司機堅持係自己睇漏眼要起番錶,等過到番香港再起番佢,what an experience!)

小情侶@坐忘

是晚趣事 A:今晚喺食飯地方隨拍,唔覺意影到圖中小情侶。我掉番轉諗覺得佢地可能都想要番幅相,於是上前道明來意。佢地既驚且(非常歡)喜,並迅速提供電話號碼要求我透過 whatsapp 「交」相。It may be a trivial matter to many, but just this alone can make my day.

英文運動堂

一個決心要做運動嘅老師,逼啲學生陪佢一齊做。

的士司機覺得我有精神病

我打算睇 Rush, 所以唔係幾想聽到馮志豐喺的士收音機度對套戲嘅預告同好評。我覺得無理由叫聽緊嘅司機叔叔熄咗佢,但我又 whatsapp 緊,無手去揞住兩隻耳。於是我決定將我同我朋友 whatsapp 緊嘅對話好專心咁讀出嚟,成功喺廿五分鐘車程度一啲都聽唔到馮志豐講乜嘢,但亦應該成功咁令個的士司機覺得我係有精神病……😜

致:無負責搞過 gathering 嘅你你和你

[fdropcap bg=”#333333″ color=”#ffffff”]最[/fdropcap]近同幾個多數負責搞活動嘅朋友傾開,大家都幾憎啲人唔覆人 message/email. 另外好多習慣唔覆人嘅人,唔係好明咁有咩問題。我試舉咗以下例子:我話,private message 同 email 其實係等於人地對住你同你講嘢,你可以諗吓先答,或忙緊等陣先傾,但係唔會一路合埋口唔出聲,好似聽唔到咁無禮貌。另外,group message 就好似開會咁,你可以唔多出聲,但人地問一啲大圍問題,譬如要約時間或者預人數,你係可以諗吓,未知同唔明都會講聲,但唔會一直唔出聲,到散會都唔答人咁無禮貌,然後要人地走埋嚟單獨問你咁討厭。遲覆真係唔係問題,唔覆就真係一啲都唔型,只係好無禮貌同乞人憎。

看舖之趣事兩則

今日幫朋友看舖所發生嘅兩件趣事:一)人生第一次用齊以下步驟去請客人離開:先較大聲啲啲音樂,繼而開光啲啲燈,最後走埋去同人客講我地即將閂門。感覺好唔好意思同好鬼鼠!😄😄 二)尹光入咗嚟睇嘢,我地幾位同事望到佢個樣都要互相勉勵大家細細聲咁話:「忍住唔好笑……忍住呀……要忍住……」😄😄😄😄

Standing up for a friend

Can’t believe it made me cry…!

專業投訴信撰寫員

近年因各樣原因成為咗專業投訴信撰寫員。剛於7:58 pm 與一位態度極為惡劣的客戶服務員掛線,於 8:10pm寫好一份投訴信並已將之寄出(email)!雖然暫時都未能好禪地唔為呢啲嘢動怒,但起碼越嚟越唔駛為呢啲嘢嘥好多時間,幾好喎又!