Miss Joey 教育日誌

Like Stars on Earth

Like Stars on Earth

今日好感動 可以同我支持咗 11 年嘅演員暨電影監製 Aamir Khan 見面同 selfie 如果你好鍾意睇佢部 Dangal(打死不離三父女) 又或者你好喜歡佢嘅新作 Secret Superstar( 打死不離歌星夢) 特別你係有小朋友嘅話 或成日覺得自己作為成人學生學嘢好懶、唔上心 我建議你睇我認為 Aamir Khan 最好睇嘅電影 就係 2007 年嘅 Like Stars on Earth(心中的小星星) 其實都想支持正版,但已經好難買到佢嘅 DVD 所以想睇嘅朋友可以上 YouTube 印度對白,中文字幕 如果想學英文,亦有英文字幕版 我相信你睇過後 對於學習模式同埋教育方面會有所啟發,同埋… 同我一樣都因此鍾意咗 Aamir Khan! ☺️ #金像獎搵佢頒獎比古天樂可能因為襯色

香港過度活躍症協會10 周年研討會

香港過度活躍症協會10 周年研討會

獲邀於香港過度活躍症協會 10 周年研討會 與同係過度活躍症人士嘅森美 一齊作為分享嘉賓 因為以前唔合格嘅分享經驗 令自己今次無再去編排俾自己 太多一定要講、一定要講嘅 points 令自己可以放鬆、思路清晰地 去 deliver 一個令自己好滿意嘅分享 除咗喺平時可以同大家 分享學習英文嘅樂趣 亦能夠有機會去作為過來人 同公眾分享有關過度活躍症嘅種種 實在唔能夠更加滿足、更加感恩

「正面啲」可能原來先係最負面嘅說話

一句句「正面啲」、「想開一點」、「別想太多」、「要放下」、「你應該要 xxxxx」,讓聽者變得沈默,傷痛嘅感受被埋藏起嚟,與言者嘅關係更可能慢慢疏離。成人的世界如是,孩子的世界亦如是。擔心他日與孩子關係疏遠嘅家長,務必好好學一學這課題。 良醫健康網:別掉入「正面思考」的陷阱! 精神科醫師:罹患憂鬱症的,往往都是那些過度正面的人 我地由細到大都聽慣咗人地咁樣應我地,而我地亦慣咗咁樣去應人,以為咁樣一講,人地個感受會因為明白道理而轉變。其實調番轉頭諗,我地因為人際關係問題唔開心,人地同我地講:「Move on!!」同人地 sung 老闆、男朋友、老公有乜唔好,人地話:「咁你都預咗架啦,無得怨架喎!」其實講完我地唔會開心咗,只會覺得人地唔明白而唔出聲。子女大咗慢慢開始唔同父母傾計,呢個亦係主因之一。其實事件嘅一切詳情只有當事人至知,而且個個價值觀同性格唔同,所以當他人有感受分享嘅時候,俾一句人地覺得被明白嘅說話,將大家嘅心拉得更近嘅同時,亦正正可以為對方帶嚟 move on 嘅力量。

THS's favourite movies and music

What more to ask for than having a child who, at the age of 9, already appreciates movies like Inception and Matrix and music by John Williams and Hans Zimmers. Just what could be more?

Young Music Lovers website 1.0

突然決定喺 official launch 下一個 Young Music Lovers project 之前, 都係整返個 website 俾人望吓會好啲。亦因為太趕嘅關係破咗自己紀錄喺 12 個鐘頭內起咗成個 website…其實都唔算成個嘅,仲爭少少內容仲用緊 dummy text……應該無人留意到嘅啫呵?☺

孩子的世界如是,成人的世界更加如是:不要哭?

其實由小朋友開始我地已經慣性要佢地壓抑自己嘅情緒。因為見佢地喊、唔開心,作為成人嘅覺得要去處理、去作出反應;特別有外人喺度嘅時候會唔好意思,甚至乎覺得失禮,所以希望儘快制止小朋友唔開心嘅情緒。 我地亦以為係咁用邏輯分析、係咁重複提,對方嘅負面情緒會改變。但係我地忽略咗感情豐富嘅小朋友,佢地嘅感受神經呢世都會咁敏感同細膩,長期嘅抑壓先係令佢地第時做 drama king/drama queen 嘅誘因,因為佢地希望放大自己嘅感受後可以得到他人嘅理解同認同,去抵銷一路以嚟被賦予嘅否定。 去處理感情豐富嘅人最有效嘅方法,無人要你去同佢一齊喊一齊叫,只要一、兩句真心體諒同認同嘅說話已經可以作出意想不到嘅安撫效果。孩子的世界如是,成人的世界更加如是。 已經有數據顯示香港嘅情緒病有年輕化嘅趨勢,一齊由對小朋友情緒嘅處理開始,一齊注意到幾多得幾多。

Young Music Lovers Winter Choir 2015

Young Music Lovers 宗旨為:● 舉行中小型專業創意演出以給予每一位演出者最大限度關注及發揮機會● 拓闊孩子及年輕人欣賞外語音樂的領域● 透過音樂為他們帶來情緒上正面的影響● 讓他們透過表演提升自信繼 Les… Posted by Miss Joey's Secret House on Tuesday, August 11, 2015

耿耿於懷 選擇釋懷?

對人類嘅情緒同性格缺乏理解嘅人,好容易會批評他人嘅感受為執著。喺香港呢個好多人生活壓力大到都自身難保嘅地方,正正就係佈滿住呢啲對他人負面嘅批評,令到好多人由細細個已經習慣咗用理性去抑壓自己嘅情緒,導致越嚟越多情緒病嘅發生。同意我地身邊好多大人或細路對事物會表現唔合比例嘅反應,呢個好大原因係天生感情豐富嘅個性使然,或心裡面已經有抑壓咗嘅情緒一同爆發出嚟。作為家長同教育工作者,多啲了解感情豐富嘅孩子,協助佢地發揮充滿愛嘅特質,同埋幫佢地建立正確抒發情緒嘅方法先係皇道。

唔識教小朋友原裝 Batman 隻主題曲,唯有教住呢隻先

對住個好鍾意 Batman 嘅小朋友,唔識教佢原裝 Batman 隻主題曲,唯有教住呢隻先,搞到兩兄弟成日成晚喺度嗌:「Batman! I am the Batman of Love!」😊

Chef's Hat Craft

This is the only level of craft Miss Joey can handle to teach! Hope they liked it all the same! ☺

百般滋味在心頭!

呢個禮拜睇嚟係註定同舊生聚會週,先係約咗三個以前同一班嘅大女呢個禮拜日 afternoon tea, 因為其中一個宣布去英國讀書喇,當中一個佢 k.1 教到佢中三。另外今日一個六年前媽咪放底晒所有嘢陪佢去美國讀書嘅仔,我由佢四歲教到佢臨去美國,今年十七歲入 college 打算讀醫,啱啱放暑假返香港攞住一打蛋撻上嚟探我,我趁空檔同佢傾計半個鐘自己喊咗三次,嚇死人。無辦法,我呢啲第一年入行教嗰啲,當時 k.1 宜家都17歲,真係百般滋味在心頭!亦好感激係因為佢地每一位我先建立到我教學上嘅經驗,令我從佢地身上學到嘅比我教到佢地嘅一定更加多!

從自閉症走到天體物理學

每次見到有人能夠活出自己嘅天份都會令我有一份莫名嘅感動,亦希望再藉住呢個例子讓大家真正認識自閉症=/=弱智,反而係剛剛相反。而呢個亦唔係特殊情況,只係其他不幸被歸類爲遲緩嘅自閉症孩子,佢地嘅天份未被發掘,佢地嘅聲音未被聽見。 Autism to Astrophysics: Jacob Barnett.

如果引導愛引他人注意的孩子?

Tears were welling up in my eyes while I was reading this. If u notice “attention seeking” behavior in ur child, read this article. If u believe u hv a kid with a sensitive heart, read this. It tells so much about “attention seeking” individuals- […]

爸媽絕不能遷就 小朋友的四種壞習慣

【爸媽絕不能遷就 小朋友的四種壞習慣】 遷就孩子、習慣孩子有些壞習慣,看著可能很小,所以很容易被父母忽視,但這些習慣一旦養成就很難修改了,所以爸爸媽媽要留意一下孩子日常中是否有以下習慣。 1、打斷你講話 孩子可能有時會很興奮想要告訴你一些事情,但如果總是允許他在你講話的時候打斷你的話,可能會讓孩子感覺他是擁有特權去取得別人的注意,而且不能忍受別人不理會他,以致日後可能會以自我為中心。 【解決方法】如果孩子跑過來纏著你講話,你可以指著凳子讓他過去坐並且在你結束講話前都要保持安靜;如果你要打電話或見朋友的話,告訴孩子要保持安靜並且不要打擾你,然後給他安排另外的活動。你的目的是讓他知道,如果中斷你的講話,他很難達到他的目的。 2、裝作沒有聽到你說話 不斷給孩子重復或提醒你的要求、指揮,會讓孩子養成等待你的提醒,而不是留心你所說的話,漸漸地還會發展到不理會你說的話。如果這種習慣繼續下去,他可能會變得目中無人,不會尊重別人。 【解決方法】盡量不要遠距離跟孩子說話,走到孩子前面跟他說清楚你的要求。當你說話的時候,要求孩子看著你,並要有所反應。 3、態度輕浮 你的孩子是不是有邊跟你說話邊做鬼臉或用很輕佻的態度跟你說話的情況,很多孩子尤其是小孩子會有這些行為,他們的目的是要測試一下父母的反應。很多父母可能會忽視這些行為,覺得孩子還小,現在只是過渡階段,但如果你不讓孩子盡快改正,他可能會很難跟別人好好相處。 【解決方法】一定要讓孩子意識到自己的行為是不當的。例如孩子在你說話的時候翻白眼,你可以告訴他,這種行為表明他不喜歡你所說的話,你可以停止跟他說話並走開,然後跟他說當他態度變好的時候才會跟他說話。 4、誇大事實 你可能會覺得孩子在別的孩子面前吹牛不是什?大問題,但對於這種現象應該盡早從源頭截住。因為如果孩子發現說大話會令自己感覺舒服一點,他很快就會養成經常講大話的習慣和推卸責任等。 【解決方法】當孩子撒謊的時候,你應該靜下心來跟孩子說清楚說謊的壞處,讓他明白大話講多了,別人可能會不再相信他說的話。同時還要了解清楚孩子說謊的目的,要讓他明白即便是說謊他的目的也不一定能夠達到。糾正這種現象,講故事是一種很好的教育方法,特別是對比較小的孩子。 ★幫助孩子養成好習慣的方法 體驗 “甜” “苦” 抓住孩子的典型事例,幫助孩子體驗 “好習慣讓自己嘗到甜頭,壞習慣使自己吃到苦頭”,如向別人做鬼臉引起人家反感,吹牛當眾被人揭穿等,最好養成 “由被動到主動再到自動” 的良好行為方式。 ★好習慣黃金表 自己制作一個簡單的日歷表,日期是一個月,讓孩子把想在這個月養成的習慣寫上去,然後讓孩子自己每天在日期下面對自己進行評價,如果當天做到了,就劃對號,沒有做到,就劃錯號。然後月底跟孩子聊聊當月的體驗和感想。 ★親子契約 爸爸和媽媽可以給孩子提出幾點要求,孩子也可以給爸爸媽媽提出幾點要求,如果做到了,有什麼獎勵,如果沒做到,有什麼樣的懲罰。這些都寫下來,雙方確認、簽字,孩子和父母按要求相互監督。 原文:親子Online教室 | Honor U Ministry

A Pregnant Woman Learns Her Baby Has Down Syndrome. People Who Have It Answer Her One Big Question.

Let’s celebrate World Syndrome Day together by understanding Down Syndrome a little bit more correctly. I did after watching this video. Hope you will, too.

互訴心中情

我身為老師,喺同一個大女嘅單對單堂裡面嘅互訴心中情環節,分別因為提到三個完全唔相關嘅原因喊左三次——一次因為我兒時嘅 best friend,一次因為 Steve Jobs, 一次因為電影「搭錯車」,臨落堂自己諗番都唔好意思。不過,訓練我啲學生見多啲精神有問題嘅人,可能都唔錯!😜

沒有放棄教學的理由

This is my reason to teach on.

Multiple Intelligences 多元智能

為 The Loving Tree 做了數天網上資料搜集後所希望作的一個小分享——多元智能的正確意思,並非如坊間不少學校、學習中心、家長及兒童品牌所誤解般,為孩子作全方位、多方面發展。相反,是以所研究出的八大天份作為指引,為孩子發掘及認清他們的長處和短處,不去勉強孩子弱的方面,並相信他們能以自己的長處獨當一面。這亦是我作為老師、家人、朋友對他人及自己堅守著的一個信念。

The children deserve this

[fdropcap bg=”#333333″ color=”#ffffff”]I[/fdropcap] am so grateful to be around these people working for the concert. Every single one of them. It’s the children who deserve this and I am glad to be tagging along.

We are somebody

好難得一篇分享係提及我地應該知道自己適合做乜嘢行業,因為除咗鍾意一種工作之外絕對要 consider 自己適唔適合!祝願各位年青人成功揾到自己,發揮天賦所長! 中學文憑試今早放榜,當然要對考到好成績嘅同學講聲恭喜;不過考得唔好嘅同學都唔好放棄。最緊知想清楚自己將來喜歡同適合做什麼,再定下目標!考試只不過是一個小小的過程,一起努力呀~~ 原帖:We are nobody