Miss Empathy 成長日記

I Love English@St Paul’s Catholic Primary School

I Love English@St Paul’s Catholic Primary School

(非廣告) 呢個禮拜獲明報出版社邀請 去一間小學度做一個講座 題目係「如何從生活中學好英語」 講座後我心裡面不禁不斷:「嘩。嘩。嘩。嘩。嘩。」 因為覺得呢間學校啲小朋友有自信、得體 亦不失真誠、快樂 Miss Joey 藉此希望今日獲小一派位嘅小朋友 全部都可以入到 令佢地自信快樂地發揮所長嘅學校!

The Greatest Showman (From Now On)

The Greatest Showman (From Now On)

呢篇「聽歌學英文」 係寫俾之前鍾意睇有關 The Greatest Show Man 嘅主題曲 This is Me 嘅朋友嘅 😊 再講番當日 The Greatest Showman 台前幕後總動員 要圍讀俾電影公司聽 希望電影公司對開拍電影開綠燈 除咗喺上一個 post 嘅 video 裡面 This is Me 咁震撼嘅演出外 當日仲有另外一首歌嘅演出 背後都有一個有趣嘅故事 話說 Hugh Jackman 喺最後嘅呢一次圍讀之前 被發現患咗皮膚癌 令佢需要切除咗成個鼻 並被換上一個假鼻 (上一條片有細心睇嘅朋友 會見到佢感動到喊、谷到成面紅晒嘅時候 個鼻同塊面其餘地方唔同色!) 啱啱喺圍讀前先完成手術 頂住八十針傷口嘅佢 被醫生千叮萬囑千萬唔可以唱歌 佢自己都擔心到 喺圍讀之前一日先夠膽話俾導演聽 […]

The Greatest Showman (This is Me)

The Greatest Showman (This is Me)

雖然我都好鍾意睇 Coco 但我個人認為攞奧斯卡最佳電影歌曲獎嘅 應該係 The Greatest Showman 嘅主題曲 This is Me! 有睇過齣戲或者當日奧斯卡頒獎禮嘅同學 應該都有感受過佢嘅震撼 而呢首歌彷彿係為我地呢個想宣揚多元共融、 同埋每人應為自己而自豪嘅年代 而寫嘅主題曲 然後我突然發現 原來呢首歌亦係好好用嚟學英文嘅教材! 因為佢短短幾段歌詞 用咗無數嘅 phrasal verbs 去用嚟押韻或比喻 但到底 phrasal verbs 又係咩嚟嘅呢? 其實 phrasal verb 係一啲動詞 不過後面被加上一至兩個介詞(preposition)或副詞(adverb) 從而產生一個同原本嘅動詞唔同意思嘅片語 因為就咁睇字面係好難估到 phrasal verb 嘅意思 所以語言學家好建議想學好日常英語嘅朋友 學多啲 phrasal verb 因為喺英文人嘅日常生活裡面係用好多、好多 phrasal verbs 架! […]

語言的力量

語言的力量

因為小狗 Franki 最近要做手術 作為母親嘅 過去幾日都長時間逗留喺診所等候報告 喺大堂等候嘅期間 不斷聽到類似以下嘅對話: 主人 A:「咁曵嘅咩?唔帶你返去吖嗱?」 主人 B:「咁嘈嘅咩?蝦!作死你!」 主人 C:「周身郁,跌死你吖嗱?」 主人 D:「行/坐/企好啲啦!死蠢/衰嘢!」 我相信 應該在座嘅個個都錫自己嘅小狗 如果唔係都唔會帶佢哋嚟睇醫生 但以我嘅愚見估計 有部分嘅主人 係做以上嘅反應俾人睇 覺得咁會幾惹笑 另外有啲係慣咗口 對住小朋友、小動物 甚至乎家人朋友、同事、家傭 總會用咁嘅口氣同對方溝通 我本身作為一個過度活躍症人士 曾經都喜愛以直率、坦白為理由 無去三思自己嘅說話之餘 更經常失言、說話常常衝口而出 但自從成為一位老師 從各門各派學到語言嘅力量,譬如 西醫嘅心理學認為 說話嘅傷害俾肉體帶嚟嘅更深遠 佛教有一戒律為不妄語 新時代(New Age)嘅理論 形容滿口負面說話嘅人為情緒垃圾人 我自己嘅經驗就話俾我聽 用正面嘅說話 唔單止係為咗人哋嘅感受 最重要係令自己嘅說話 更有效、更有說服力 如果想自己嘅說話能更有效地被傳達 基本上別無他法 […]

記住要開口搵人傾?

記住要開口搵人傾?

是晚睇完新聞好心噏 想講一講英文以外我最關注嘅課題: 心理及情緒 電視節目主持人每次報道呢啲嘅新聞 總會話凡事有嘢諗唔開 記住要開口搵人傾 我相信好多人喺絕望之前 總有開過口同人傾 但呢個讀得書多嘅年代 最叻用邏輯、分析去安慰人 一唔係「你唔好咁諗」、「你唔好轉牛角尖」 就係「你諗太多」、「你要堅強啲」 或者係「你試諗吓 xxxxx」 唔開心嘅時候聽落去 正等於「我唔認同你唔開心」 一樣咁難聽 情緒需要抒發嘅時候想搵人傾 其實只想等對方講一句「我明白。」 留意後面係句號 即係之後無又跟手加一句「但係xxx」嘅, 都幾咁難 所以我呢個婦孺有一個卑微嘅願望 就係希望所有人 唔開心嘅時候接受自己嗰份嘅負面情緒 唔好再壓抑、扭曲、program 自己 人地唔開心嘅時候亦認同對方嘅負面情緒 亦唔去壓抑、扭曲人哋、企圖去 program 人地 呢份就叫做同理心 因為我膚淺地覺得 大埔巴士事件唔關晒 part 唔 part-time 事 美國校園槍殺案除咗 gun control 外 仲有香港不斷發生嘅自殺案 只要公眾對處理情緒有番正確嘅理解 以上嘅都可能會減少發生 […]

「正面啲」可能原來先係最負面嘅說話

一句句「正面啲」、「想開一點」、「別想太多」、「要放下」、「你應該要 xxxxx」,讓聽者變得沈默,傷痛嘅感受被埋藏起嚟,與言者嘅關係更可能慢慢疏離。成人的世界如是,孩子的世界亦如是。擔心他日與孩子關係疏遠嘅家長,務必好好學一學這課題。 良醫健康網:別掉入「正面思考」的陷阱! 精神科醫師:罹患憂鬱症的,往往都是那些過度正面的人 我地由細到大都聽慣咗人地咁樣應我地,而我地亦慣咗咁樣去應人,以為咁樣一講,人地個感受會因為明白道理而轉變。其實調番轉頭諗,我地因為人際關係問題唔開心,人地同我地講:「Move on!!」同人地 sung 老闆、男朋友、老公有乜唔好,人地話:「咁你都預咗架啦,無得怨架喎!」其實講完我地唔會開心咗,只會覺得人地唔明白而唔出聲。子女大咗慢慢開始唔同父母傾計,呢個亦係主因之一。其實事件嘅一切詳情只有當事人至知,而且個個價值觀同性格唔同,所以當他人有感受分享嘅時候,俾一句人地覺得被明白嘅說話,將大家嘅心拉得更近嘅同時,亦正正可以為對方帶嚟 move on 嘅力量。

孩子的世界如是,成人的世界更加如是:不要哭?

其實由小朋友開始我地已經慣性要佢地壓抑自己嘅情緒。因為見佢地喊、唔開心,作為成人嘅覺得要去處理、去作出反應;特別有外人喺度嘅時候會唔好意思,甚至乎覺得失禮,所以希望儘快制止小朋友唔開心嘅情緒。 我地亦以為係咁用邏輯分析、係咁重複提,對方嘅負面情緒會改變。但係我地忽略咗感情豐富嘅小朋友,佢地嘅感受神經呢世都會咁敏感同細膩,長期嘅抑壓先係令佢地第時做 drama king/drama queen 嘅誘因,因為佢地希望放大自己嘅感受後可以得到他人嘅理解同認同,去抵銷一路以嚟被賦予嘅否定。 去處理感情豐富嘅人最有效嘅方法,無人要你去同佢一齊喊一齊叫,只要一、兩句真心體諒同認同嘅說話已經可以作出意想不到嘅安撫效果。孩子的世界如是,成人的世界更加如是。 已經有數據顯示香港嘅情緒病有年輕化嘅趨勢,一齊由對小朋友情緒嘅處理開始,一齊注意到幾多得幾多。

你是否人形蜈蚣?

呢排睇咗啲令我幾困擾嘅網上文章。問題唔係文章嘅內容,而係網民寫嘅留言。 首先係一個男性途人,過馬路俾架巴士撞到。位男仕因為無睇路,俾好多網民鬧抵 X 死,自己攞嚟衰等等。另外一篇係一個博客寫關於澳門嘅隱藏美食,好多網民就鬧邊 X 度算美食,邊 Q 度算隱藏,篇文係垃圾個作者應該去死 L 咗佢等等。 估到我又說教叫人有同理心?試吓再睇睇落去可能關你事。 身為一個人,純粹唔認同一啲意見嘅時候係唔會咁反應。要咁激動好多時候係因為:人地去到嗰個位自己去唔到,老羞成怒,要鬧死嗰個人為止;或者,日復日積累咗好多壓力同負面情緒,睇一切嘅嘢都帶住對灰色眼鏡,所有人做嘅所有嘢都係做得唔夠好,都係有問題;更或者自己都不斷被人批評、否定或侮辱,抑壓咗嘅委屈要爆發出嚟,即係好似人形蜈蚣咁,食咗嘅要排番出嚟俾人食。 如果你質疑點解我會知,先唔好提我過去呢 15 年以嚟一路接觸好多小朋友同家長嘅情緒問題。主要原因係我曾經都係咁,睇咗醫生,醫生講解俾我聽。如果你自己或身邊有朋友都係好似以上所提到嘅人生判官、人形蜈蚣咁,係時候注意番。

成人患過度活躍死亡率倍增

文章內所提到嘅確係令過度活躍症人士心理上帶嚟好大困擾嘅弱點,但係仲未提到俾到佢地最大挫敗感、喺待人處事上嘅缺失。好多人以為呢個年代嘅小朋友先特別多呢啲乜症物症,實情係過往嘅年代,即係我地身邊嘅家人、朋友同事,當中存在好多隱症。希望大家多一丁點注意同體諒你所重視嘅人當中過度活躍症嘅疑似患者,關一關心吓佢地嘅情緒,因為好大可能佢地喺跳脫樂天嘅表面背後,經歷緊你地睇唔到嘅痛苦掙扎。 「專注力不足及過度活躍症」(ADHD)近年備受關注,別以為只有幼童才患此症,有醫生指曾有大學講師也患上此症。另有研究報告指,ADHD還會增加死亡風險,患者死亡率較一般人高逾倍。 ADHD患者多數自幼便有集中力差及衝動等徵狀,65%一直延續至成年;外國調查估計,成人發病率為4.4%,即每25人中便有一人患此症。 患者粗心衝動 損仕途打擊自信 不少人以為成人ADHD只是粗心大意和衝動,但精神科專科醫生林美玲指,此症「殺傷力」或比想像中嚴重,「很多患者感覺仕途崎嶇,事事不稱心,長久下去會打擊自信,部分甚至借酒消愁、濫藥。」 她引述國際權威雜誌《刺針》今年發表的研究指,丹麥進行了一項大型的ADHD調查,追蹤192萬名國民逾30年,發現有3.2萬人患ADHD;每一萬名ADHD患者的死亡率為5.85,較普通人的2.21高逾一倍半。 若以年齡劃分,成人ADHD患者中,每一萬人死亡率為23;17歲以下只是3.4至3.7。林認為,數字反映ADHD並非兒童病症,對成人產生影響可能更嚴重。 林美玲舉例指,曾有一位38歲大學講師,原需向大學交論文,但遲遲未能完成,感覺無法專注,更經常與太太因瑣事爭吵;後來確診患ADHD,經藥物及行為治療後才好轉。她提醒,若懷疑患上此症,應及早求醫,以減低對生活、社交及工作等影響。 記者:談建輝 精神科專科醫生林美玲指,成人ADHD「殺傷力」或比想像中嚴重。 來源:成人患過度活躍 死亡率倍增 @ Skypost.hk 8/20/2015

婆婆 and I

呢排我位長期住喺加拿大嘅婆婆番咗嚟香港。琴晚返娘家游完水後,婆婆見我沖完涼由得個頭濕立立行嚟行去,於是叫我坐底想幫我呢位死港孩吹頭同梳頭。幾十年無幫我梳頭嘅婆婆堅持要幫我扎辮,我當然亦順理成章坐定定享受婆婆嘅疼愛。佢一路梳、我地一路傾計,一梳就梳咗半個鐘。佢一路梳嘅時候,有時頭髮 kick 住,我覺得痛就會咪起對眼縮嚟縮去話:「哎呀哎呀哎呀!」或者「哎呀好痛!」將最後一條橡筋扎好之後,婆婆話:「你呢,由細到大都係咁!細細個呢就已經好怕痛,又易喊!到宜家都係咁喎!」平時只會聽到人話我太誇張、太情緒化、太敏感同太 attention-seeking 嘅自己,經歷過長年累月大量嘅藐視同批評,有時對自己重視嘅人解釋我似乎係天生嘅極度敏感,其實令自己都好痛苦,都只會被視為幫自己搵藉口。呢個晚上突然聽到婆婆證實我原來未識性都已經係咁嘅時候,差啲又想喊出嚟。不過「成熟」咗嘅我宜家學叻咗忍住啲眼淚,只想用自己嘅敏感繼續去記住有人理解自己嘅呢份感動,多啲去接觸、諒解同安慰同樣敏感嘅靈魂,希望佢地搵番自己嘅價值,真我得到最大嘅發揮。

耿耿於懷 選擇釋懷?

對人類嘅情緒同性格缺乏理解嘅人,好容易會批評他人嘅感受為執著。喺香港呢個好多人生活壓力大到都自身難保嘅地方,正正就係佈滿住呢啲對他人負面嘅批評,令到好多人由細細個已經習慣咗用理性去抑壓自己嘅情緒,導致越嚟越多情緒病嘅發生。同意我地身邊好多大人或細路對事物會表現唔合比例嘅反應,呢個好大原因係天生感情豐富嘅個性使然,或心裡面已經有抑壓咗嘅情緒一同爆發出嚟。作為家長同教育工作者,多啲了解感情豐富嘅孩子,協助佢地發揮充滿愛嘅特質,同埋幫佢地建立正確抒發情緒嘅方法先係皇道。

13 張經歷過憂鬱症的人才能體會的圖表

How many of these can you connect? 13張經歷過憂鬱症的人才能體會的圖表

堅強有力地走下去

唔需要睇內文,睇蘋果嘅 Facebook 標題就可以。我想話其實喺我地最困擾嘅時候真係唔需要咁多嘅加油、努力、堅強、唔好諗咁多,同埋應該點樣做、應該點樣諗嘅 advice. 吓吓俾人咁樣閘住,覺得全世界無人真正明白自己,往往係一個人放棄自己嘅原委。我地確係乜嘢最終都要靠自己,所以朋友只需要借一對耳朵,更好嘅話係可以擁有一個同理心,去體恤朋友情緒嘅抒發。心靈上得到聯繫,當事人亦因為抒發過後擁有更冷靜嘅情緒、更清晰嘅思維,自可以堅強有力地走下去。

從自閉症走到天體物理學

每次見到有人能夠活出自己嘅天份都會令我有一份莫名嘅感動,亦希望再藉住呢個例子讓大家真正認識自閉症=/=弱智,反而係剛剛相反。而呢個亦唔係特殊情況,只係其他不幸被歸類爲遲緩嘅自閉症孩子,佢地嘅天份未被發掘,佢地嘅聲音未被聽見。 Autism to Astrophysics: Jacob Barnett.

藝術家──精神病高危一族?

作為一名資深的腦神經科專科醫生,黃震遐希望透過此書,嘗試以一個別開生面的醫學理性角度,深入剖析一些著名藝術家的精神狀況和他們的創作有什麼關連。作者認為,在欣賞和了解一件藝術品的時候,除了藝術家本身的天分技能之外,我們也應該多加關注藝術家在創作期間的身心健康狀況,例如,一些藝術家天生有聯覺特殊功能,所以他們可能看見號碼時會感覺到顏色,或者聽樂曲時腦裡會有目迷五色的彩雲起舞,英國當代藝術家 David Hockney 就是其中一位;有些藝術家可能因為天生遺傳或後天際遇而得了情緒病,為他們日後的創作手法和風格帶來或多或少的轉變,當中患有躁狂症和抑鬱症的 Van Gogh 和 Jackson Pollock 就是典型案例。 此外,外國早已有不少研究發現,精神分裂症患者和藝術家的確有不少共通點(e.g. 想法天馬行空,傾向或擅於把一般人認為九唔搭八的事物串聯起來),而在歐洲的一些科學調查中,也顯示了在視覺藝術家的群組中,精神分裂症患者比較多,而精神分裂患者的親人從事創意工作比一般人多。 謹向所有從事藝術創意的行家呼籲:病向淺中醫,you are not alone。 原文:伍常@Stand News

A Pregnant Woman Learns Her Baby Has Down Syndrome. People Who Have It Answer Her One Big Question.

Let’s celebrate World Syndrome Day together by understanding Down Syndrome a little bit more correctly. I did after watching this video. Hope you will, too.

A theory about labeling

My life education quote in class today- those who label others the least are those who have been labelled the most.

The Key

The key to effective communications and relationship bonding- any feelings felt by anyone at anytime are valid. At all times. Always.

I refuse to litter.

To me, a person who tries to not judge is like a person who refuses to litter. I feel happier when I judge less as I am certain I am causing less pollution to the world. 一艘遊輪遭遇海難,船上有對夫妻,好不容易來到救生艇前, 艇上只剩一個位子,這時,男人把女人推向身後,自己跳上了…救生艇。 女人站在漸沉的大船上,向男人喊出了一句話……〞 講到這裡,老師問學生:〝你們猜,女人會喊出什麼話?〞 學生們群情激憤,都說:〝我恨你、我瞎了眼!〞 這時老師注意到有個學生一直沒發言,就向他提問,這個學生說:〝老師,我覺得女人會喊——照顧好我們的孩子!〞 老師一驚,問:〝你聽過這個故事?〞 學生搖頭:〝沒有,但我母親生病去世前,就是對我父親這樣說的!〞 老師感慨道:〝回答正確。〞 […]