Miss Thailand 泰太日記

Colors of Thailand

呢段時間將自己有史以來喺 facebook 介紹過泰國嘅地方逐一 copy 過去我 thailand.missjoey.com 個 website 度,將每一個地點分開為獨立一個 post, 等朋友同自己要 search 番啲資料都可以方便啲。Upload 埋想介紹喺清邁嘅最後一個地點,發現原來啱啱係第 99 個 post, 於是我喺度諗有無啲咩特別啲嘅題材可以作為第 100 個 post 個內容。繼而睇番好多周圍亂影所以無被歸納落一個地點嘅濕碎相,發現好多都充滿色彩。我就將佢地放響呢個叫做 The Colors of Thailand 嘅 album, 去傳譯我嘅一句, “I love Thailand.” Butterfly Pea & Lime

Chiang Mai Spring ’15- Khao Soy Lamduon

Khao soy, 又名咖喱麵,係一碗咖喱湯底嘅蛋麵,跟雞肉、豬肉或牛肉,最後放以脆炸麵條同食客自選嘅調味配料作點綴,係清邁其中最地道嘅嘢食之一。即係如果有條邏輯題問你雲吞面:香港 = ________:清邁,個答案就一定係 khao soy. 咁所以當然清邁好多地方有得食呢個咖喱麵,但我就特登安排臨上機之前去機場附近嘅 Central Airport Plaza, 搵網上有唔少人話係全清邁最好味嘅 khao soy 食。跟住網民所提供嘅指示,好快喺好多嘅 food stations 當中搵到呢檔名不虛傳嘅 Khao Soy Lamduon——佢地軟硬度適中嘅蛋麵滲滿香甜嘅咖喱味,配以性價比高嘅肉同埋脆口炸麵條去帶嚟豐富嘅口感。最重要係呢碗都唔算細嘅麵只需 30 baht, 即係港紙 8 蚊都唔駛!可惜當日我地食飽晏先去,食唔到多一碗,宜家諗番都好想返去食。有見及此我亦即刻買咗十月中嘅機票返去,有興趣嘅朋友可以一齊嚟呀! 雖然呢度叫 Airport Plaza, 但係千祈唔好俾佢矇騙咗以為係專做遊客生意嘅商場,其實佢呢度,尤其是 basement 個 food court 同 supermarket 都好地道——我地混埋咗啲本地人裏面食麵之餘,一路買嘢撞口撞面嘅都係泰國人。好似我就喺度幫我個 friend 搵到聽講要去街市先買到嘅 butterfly pea 花乾,同埋其他風味小食做手信. Last minute shopping […]

Chiang Mai Spring ’15- Café DinDee

喺清邁大學嘅藝術中心大樓旁邊係一間用泥造嘅屋,裏面係一名居住喺泰國嘅日本人開嘅素食 cafe, 所以名稱亦係指泥屋嘅 Cafe DinDee. 餐廳裏面貫徹無添加嘅風格,無冷氣,心靜自然涼嘅朋友靠所設嘅風扇都應該頂得住。所提供嘅食物係日本 crossover 泰國嘅菜式,另有大量滋味解渴飲料如咖啡、smoothies 等。我地好鍾意啲 smoothie, 而聽網上啲人講呢度嘅咖啡亦十分出色。餐廳內亦放置唔少手工藝品,同一啲都係無添加嘅個人用品同食品供人客購買。鍾意體驗吓原始風味嘅旅客,特別係守齋嘅朋友,值得嚟食個晏。 平時去旅行時好依賴 Google Map 嘅朋友都可能知道,有時靠晒 Google Map 官方 mark 嘅 placemark 都可以幾大鑊,同真實位置差離天大丈咁遠,行到懵先搵到個入口。雖然呢度係座落於大學倘大嘅範圍裏面,但個 place mark 都 mark 啱藝術中心個露天停車場入口,只要繼續行入個停車場,見到圖中架黃色車,再行入少少就係。 Matcha Crumble Cheesecake Address: Chiang Mai Univ.Art Center, Nimmanheimin Rd., T.Suthep Tel: +6653289046, +66867550192 Website: http://www.dindeecafe.com/ Facebook: Cafe […]

Chiang Mai Spring ’15- C.A.M.P.

我去到清邁第一晚已經夜一夜都賴死唔肯返酒店,於是硬拉阿老番去咗喺 MAYA Shopping Centre 五樓嘅 C.A.M.P.- Creative and Meeting Place. 呢度一日廿四小時開放,有嘢飲亦有提供輕食,設計型格寬敞。有各式各樣嘅檯櫈甚至乎席地嘅座墊同咕𠱸,吸引好多學生喺度溫書做功課,同唔少做緊嘢嘅人嚟做文書或電腦嘢。想 private 啲嘅單位亦可以平價租用呢度嘅工作室。 去旅行好似我咁三更半夜都唔願瞓、但又唔鍾意落酒吧同 club 嘅人,可以喺度買杯嘢飲叫啲嘢食,就可以有個 code 上網兩個鐘,俾你搵個位上吓 Facebook upload 吓旅途上所影嘅相。客氣嘅朋友千祈唔使驚阻住啲位,因為呢度地方大到不得了,要幾多位有幾多位。唔想去旅行都成日攞住部電話嘅話,亦可以望吓落地玻璃窗外好靚嘅夜景,或者因為香港寸金尺土,好難有個咁嘅地方,純粹嚟呢度感受吓、羨慕吓都值得。 Address: 5/F MAYA Lifestyle Shopping Center Tel:+6652 081 199 Opening hours: 24 hours Website: http://www.ais.co.th/campais/ Facebook: CAMP

Chiang Mai Spring ’15- Ginger & Kafe

清邁嘅地勢好得意,喺地圖望落去有個正方形叫古城嘅地方,係佢哋嘅市中心。事到如今以前圍住佢嘅城牆已經拆得七七八八,淨返條城河同四個城門,裏面就最適合租架單車去穿梭大街小巷。不過今次有太多其他地方要 explore, 安排唔到時間,只係揀咗去古城邊界嘅呢一間餐廳 Ginger & Kafe。 呢間歐陸式設計嘅泰式餐廳,嚟自本身係一間家品店嘅品牌,因為能順利地打出名堂,於是後嚟亦開埋呢間餐廳。所以唔難想像佢呢度嘅咕𠱸梳化餐巾、叉刀杯碟羹同好多嘅燈燈燈同櫈,都揀過襯過(或者應該話撞過),色彩繽紛得嚟非常優雅(我啲相應為用 iPhone 5 影太黑有侷限,如果得閒又有興趣嘅話入去佢地個 fb page 睇吓就知幾靚)。而佢嘅超巨型 menu 上係價錢一啲唔算貴嘅泰國菜。我今次揀咗嚟食晚餐,但可以肯定午餐同 afternoon tea 嚟嘅話可以影到更多更靚嘅相。餐廳嘅旁邊亦有道門通去佢地有好多本地設計嘅衫同家品賣嘅小店,真係啱晒又鍾意食嘢又鍾意買嘢又鍾意影相嘅朋友嚟。 雖然呢度係一間餐廳,但其實佢哋擺放咗好多英文雜誌喺度亦提供 free Wi-Fi,非常歡迎俾人客只係嚟飲吓嘢坐下。所以嚟清邁嘅朋友,點都要是但一餐攝一攝嚟一嚟呢度。 outdoor seating Address: Moonmuang Road, T.Sriphum, A.Maung, Chiangmai Tel: +6653419014 Opening hours: 10.00 am. – 10.30 pm. daily Website: http://www.thehousethailand.com/ Facebook: The House Asian […]

Chiang Mai Spring ’15- iBerry Garden

喺泰國四周圍有好多分店嘅 iBerry 手工雪糕,佢哋嘅旗艦店就係喺清邁。位於 nimman soi 17 嘅 iBerry Garden, 最特別嘅地方係 feature 住無論做藝術創作同營商都好成功嘅泰國笑匠 udom 嘅一系列設計。呢啲設計包括擺放喺四周圍佢本人大大小小甚至巨型嘅 figure 同裝置, 同埋有一家小店專賣好多佢設計嘅產品——衫、袋、鎖匙扣、杯墊、扣針、計數機、記事簿、電話套、首飾等等等等一應俱全,梗有一款啱做手信。加上分別設有戶外廣場同室內有冷氣坐得舒舒服服嘅地方俾人飲嘢、食雪糕,同任人隨意同啲擺設影相,不難成為無論遊客或本地人都非常喜愛前來休憩嘅地方。 名為 Dom Dog 嘅巨型 signature figure The door that leads to the merchandise shop- please do disturb. 愛の計數機——話說舊年年尾我朋友仔間舖頭個計數機壞壞地,於是我喺淘寶買咗一款好襯佢舖頭、用竹做嘅計數機俾佢做聖誕禮物。點知我嚟到 iBerry Garden, 見到同款但… Address: soi 17 13 Soi Sainampueng, Sirimankalajarn […]

Chiang Mai Spring ’15- Café de Nimman

一間胡慧沖同好多旅遊網站都大力推介嘅餐廳 Café de Nimman, 故之然坐落於好方便出入嘅 Nimman 區。而佢亦果然無令人失望,令我平時唔太鍾意食明爐魚都覺得佢地嘅好好食。另外個冬陰功湯亦係我地暫時喺清邁飲食過最好味嘅,甜酸辣奶完美地平衡,好味到我同行兩名友人爲咗佢臨走都要去食多次!唔好處係因為可能太好味價錢又好平嘅關係,呢度食飯時間好多遊客吓,做到啲伙計唔想做咁,所以本得住一分錢一分貨(呢個貨係 customer service 嘅貨而絕對唔係食物嘅貨)嘅心態嚟幫襯好緊要。如果好似我地咁十一點先食完早餐,三點先嚟到呢度食 lunch, 避一避啲人流,亦未常唔係一個好法子。 Fried Egg with Minced Shrimp & Curry Powder Steamed Fish with Lemon The Tom Yam Soup 踩住衣車食飯 食完個晏日落 Address: Sirimangkalajarn Road soi 13 Tel: +66 53 218 405 Opening hours: 11:00 am – […]

Chiang Mai Spring ’15- Gelabar

其中一個令我好鍾意清邁嘅原因係佢有特別多嘅甜品同雪糕店,喺 nimman soi 7 就匿埋咗呢間由之前細屋搬到宜家大啲啲屋嘅 GelaBar. 佢地主打新鮮材料製作嘅手工雪糕同埋一系列嘅有關甜品,包括 waffle, 蛋糕,飲品同埋佢地自家研發嘅 Gela Tartlette. 不過佢地最受歡迎嘅原來都唔係呢啲,而係佢地一條龍提供埋 tailormade 鹹甜食品嘅包場服務。皆因呢度設計又 warm 又有特色,地方小小,五臟俱全,唔難幻想係一個非常適合細細 wedding reception 同 birthday party 嘅好地方,所以亦係漫遊 nimman 區大街小巷嘅朋友一個好好嘅歇腳點。 Gela Tartlettes with gelato scoops of Mixed Berry, Mango sorbet, Earl Grey Caramel an… Mango Crumble Iced Chocolate Address: Nimmanhemin Road […]

Chiang Mai Spring ’15- Local Cafe, Think Park

座落於開業唔夠兩年嘅 Think Park 正門嘅 Local Cafe, 根據師傅 Roger 介紹,係泰國飲食鉅子 Mr. Tan 陳生同埋泰國棟篤笑巨星+設計師 udom 繼 iBerry Garden 之後又一聯合傑作。呢度嘅設計係由 udom 一手包辦,我地嚟到嘅時候,喺 cashier 落完 order 之後,佢地話樓上有維修所以暫時關閉,我呢個特登嚟「幫呢間餐廳影相」嘅遊客爭啲未喊出嚟!好彩我地喺樓下食到咁上下,樓上又開番,我地亦順理成章轉陣上樓上食甜品。 呢度唔單只設計獨特,所 serve 嘅食物亦係自成一家嘅日式 x 泰式 x 東泰式。飲品同甜品亦有唔少選擇,當中包括好特別、可能我見識少所以真係無喺第二度見過嘅西瓜蛋糕!呢度整體味道雖然唔算得上話超好味或好啱香港人,但係成個地方特色同誠意十足,非常值得嚟唔食嘢都飲杯嘢。嚟開嘅朋友,亦唔好錯過 Think Park 好多嘅特色小店,同埋佢地禮拜六嘅 flea market, 擺賣好多本地設計嘅衫、首飾甚至樂器。 Smoked Salmon Salad Ebi Bun Tempura-Northern Thai Sausage with […]

Chiang Mai Spring ’15- The Artel Nimman

又係睇 Roger 嘅介紹,我地去完曼谷再返清邁嗰幾日,搵咗呢間喺潮人區 Nimman 嘅得意 The Artel Nimman 住。 留意呢度係稱自己為 artel, 唔係 hotel, 即係一間 artistic 嘅 hotel 嘅意思,而的而且確呢度每一個 detail 都充滿住藝術感。 事原呢度係本地一位頗具名氣嘅室內設計師喺 2013 年 嘅自家作品。設計嘅主題係 upcycle (recycle 嘅相反,即係唔係壓爛啲廢物,而係將佢哋翻新甚至提升價值)。成間酒店嘅設計係善用咗好多翻新嘅舊物品,包括有用舊瓷磚切嘅 mosaic 房門、以棄置石屎裝飾爲主題嘅特色牆、同埋用舊鐵枝所製作而成嘅一個個指示牌等等。再加上一盞盞嘅 upcycled lamps 同埋周圍掛滿嘅畫,俾人客充分感受到老闆嘅品味及心思。 而聽講每一間房嘅設計都有少少唔同,但係主題都係圍繞住潛水艇船艙。特別係嗰個好大個嘅圓形窗口,住樓下推出去就係一個小型天井,樓上嘅就係露台,作為精品酒店嚟講一啲都唔失禮。 另外最特色嘅地方一定係佢一條由二樓通往地下嘅瀡滑梯——俾人客落樓又得、瀡啲行李落樓又得。得咗! 我自己好鍾意呢度,Francis 就覺得有啲多侷促。不過佢價錢唔貴(兩晚二人HKD$772@Agoda),又喺正 Nimman 區,周圍已經有好多餐廳、小店,所以我認為本住個心住一間 funky 嘅精品酒店嘅朋友嚟清邁幾日可以考慮吓住呢度。 Our room Shower area 房間嘅天井 […]

Bangkok Spring ’15- Root Garden, Thonglo

根據師傅胡慧沖嘅報道,呢個高尚住宅區中間無端端出現一個「農場」,係因為「農場主人」希望善用市區內一啲荒廢嘅地,於是佢第一個 project 就揀咗喺 Thonglo soi 3 搞呢個有機農莊暨咖啡室—— Root Garden。 Root Garden 除咗種植咗好多蔬菜之外,亦有羊、有雞同有魚,賣嘅都係有機食物,而價錢都只爲夠俾日常經費就算。呢度經濟、有意義又清新健康,所以好受本地人歡迎。 另外,逢星期五、六、日仲有漁民攞海鮮嚟賣,逢第二及第四個星期日更有嘉年華會,有歌聽有嘢賣。離 thonglo BTS 站大概 15 分鐘步行距離,有興趣嘅朋友嚟曼谷想睇啲唔同嘅嘢 Root Garden 係一個方便嘅選擇。但要注意呢度冇冷氣,同埋有機會隨時拆卸。想知道佢哋嘅最新消息可參閱佢哋嘅官方 Facebook 網頁:https://www.facebook.com/profile.php?id=543984035737458&tsid=0.46319616702385247&source=typeahead 點啫你,咁嗲做咩啫…… 羊咩都鍾意飲椰青! 找亮點(有人走錯邊)

Bangkok Spring ’15- Knob Cafe

曼谷近年開咗好多 cafe shop, 即係一邊經營咖啡室、一邊賣家品,不過我好遺憾地要指出,呢啲家品部似乎有越嚟越貴嘅跡象。今次嚟咗一間幾特別嘅 cafe, 地點喺 silom soi 19 嘅一個叫 baan silom 嘅 plaza, 名字叫 knob cafe. 雖然呢度地方細細仲要半 cafe 半商店,但係兩部份都交足功課——cafe 嗰邊有一個好豐富嘅嘢飲嘢食 menu, 仲有售賣咖啡豆同自家製 mixed crispy fish. 而家品部賣好多好靚嘅文具、布藝、香薰等等,當然唔少得佢地嘅主題貨品——門柄同櫃桶柄,而所以呢度係叫 knob cafe. 唔知點解要買門柄櫃桶柄嘅朋友嚟到,一定會喺呢度真係好多好靚嘅選擇裡面揀到自己鍾意嘅款式。當然好似我一開始咁講,價錢一啲都唔平。 不過呢度啲服務生態度認真麻麻,無笑容不特至,入到去我主動望佢地同同佢地打招呼,佢地繼續聚喺出面打牙骹無打算理會;走時同佢地 krub koon ka 直頭完全 ignore. 但我俾個 benefit of a doubt 佢地,可能呢度太靚,太多人好似我咁入嚟齋影相唔幫襯(如果佢地唔係咁款我打算幫襯),所以先搞到佢地咁。 呢度附近亦有有唔少幾特色嘅小 cafe, 如果住呢度附近嘅酒店或嚟開呢頭,不妨嚟呢條街望吓! […]

Bangkok Spring ’15- Yunomori Onsen

去曼谷按摩有好多唔同選擇,有價錢貴或平嘅、裝潢豪華或平實嘅、事後有甜品或無甜品嘅,但係配有日式溫泉嘅,呢度就真係首間。 地點喺 sukhumvit 26 一個叫 A Square 嘅 plaza 裏面、要行到篤篤篤篤先見到。呢個 plaza 舖頭唔多,而每一間都係好大面積。Yunomori Onsen 都唔例外,一入去係一個好寬敞、光猛、香噴噴,俾人感覺好舒適嘅接待處,亦係俾浸完溫泉嘅人客休息嘅地方。 呢度係分男女浴,登記完嘅客人,先前往男或女更衣室攞拖鞋同揀自己鍾意嘅和服,然後一定要喺沐浴區用佢地嘅香噴噴沐浴露同洗頭水沖乾淨涼先可以落溫泉。溫泉男女每邊未連桑拿室有七個池:室外高溫池、室內高溫、中溫、低溫池、按摩池、二氧化碳池、同埋我覺得最可愛嘅室外小木桶熱水池,啱啱坐得落一個 Miss Joey(即係兩個其他人),好得意。 浸完溫泉可以去佢地有一個對住一個 zen garden 嘅閱讀區休息,或者去佢地附設嘅咖啡室飲吓嘢食吓嘢。Book 咗按摩嘅話,夠鐘就會有人請你去二樓嘅按摩房,上到二樓都係俾人感覺好大、好乾淨、好香噴噴。我地一致覺得師傅雖然節奏有啲慢,但係手勢係 good 嘅。價錢亦唔貴,浸溫泉大約係 HKD$100 無限時,禮拜二仲要女賓買一送一;香薰推油亦只係 HKD$230 兩個鐘! 今次 join 咗我地曼谷部分行程嘅日本溫泉愛好者朋友都好滿意,亦用好乾淨、好乾淨、好乾淨嚟形容,大家下次都可以嚟試吓。位置好近我對上介紹嗰間爐端原始燒,可以駁住兩間嚟,扮自己去咗日本。 和服 time! 多謝 Gwen 幫我打嘅端正蝴蝶結! A unique and relaxing experience Address: A Square, Sukhumvit […]

Bangkok Spring ’15- Hokkaido Restaurant Genshiyaki

平時我地兩小口子嚟曼谷好少食日本嘢。今次見到師傅胡慧沖介紹呢間曼谷唯一一間食爐端原始燒嘅 Hokkaido Restaurant Genshiyaki, 佢又收得夜(凌晨 12 點,最開心聽到收得夜嘅餐廳,因為餐與餐之間可以隔開啲食 hehe),於是安排一個晚上嚟試吓。 佢地主店喺 Sukhumvit 31, 而呢間係佢地最近開喺 Sukhumvit 26 嘅分店。分店地方大好多,同埋 menu 亦多啲嘢揀。老闆、服務生全數日本人,個個都好友善熱情,氣氛好好,而我地坐咗個零兩個鐘全部入嚟嘅都係日本客人。呢度除咗食原始燒之外,亦有好多海鮮、魚生及北海道鄉土菜色。淨係講魚生已經好新鮮,我地叫咗佢地一 set 十杯嘅 sushi cups, 每一款魚生都好鮮甜,每杯係大概平時香港兩件壽司嘅分量,十杯都只係 $80… 淨係嚟食呢個都 worth the trip。其他嘢無咁誇張地平,但係都平過香港食一截。所以特別係喜歡食燒物嘅朋友,值得嚟呢度一試。 Sushi cups 呢個麻麻地,唔駛叫,橫掂 sushi cup 有得試。 連廁所都好有風味呢! 好友善嘅服務生! Address: 83, Soi 26 Sukhumvit Road, Khlong Tan Tel: +66 […]

Bangkok Spring ’15- Roast Coffee & Eatery

一間好多網址都選為曼谷 top 10, top 5, top 3 必去嘅咖啡室,而就算脅住咁樣嘅預期去我哋都無失望。 其實我哋之前嚟過一次,但係因為已經係嗰日第八餐,所以只係叫咗嘢飲無試到啲嘢食。今次特登留肚,但係又因為過咗四點所以享用唔到佢哋最出名嘅 brunch menu! 不過佢哋個正餐 menu 同嘢飲都非常出色,有少少近乎叫乜都好食。我地今次試咗 chilled summer soup (由細到大試過最好味嘅凍湯), crispy vegetables (泰式蔬菜 tempura), bacon & garlic spaghetti 同 duck confit. 而兩杯嘢飲 iced espresso latte 同 strawberry honey iced tea 簡直係無懈可擊。 曼谷好食嘅地方有好多,不過味道呢啲嘢好個人。如果有人問我曼谷有邊度有必食嘅地方,我會好有信心、毫不考慮話 Roast Coffee & Eatery 絕對係其中一間。 […]

Bangkok Spring '15- Fuse Mobius Condominium

繼上次同 Ming & Annie一家曼谷之旅喺 airbnb 搵到間又靚又抵住嘅 penthouse之後,我基本上已經半放棄再喺曼谷住酒店。今次同 Francis 由清邁坐內陸機嚟曼谷,都係喺 airbnb 搵地方住,竟然俾我地搵到再破新低價——$575 三晚嘅 condo. 呢幢只有兩年樓齡嘅 Fuse Mobius Condominium 有三座,我哋住 dood B,即係泰文嘅 B 座。地方大概 300 尺,有連 shower amenities 嘅廁所、設有雪櫃、多士爐、爐頭同飯檯嘅開放式廚房、備有書檯、reading corner 同一張 king-size 睡床嘅睡房,同埋一個骨子客廳。 而最令我地驚喜嘅係 condo 個 clubhouse. 一個好舒適嘅室內 common area 設有公用電腦、桌球、連 kinect 嘅 ps3 同 reading area, […]

The Jam Factory, Bangkok

Address: 41/1-5 The Jam Factory, Charoennakorn Rd., Klongsan Bangkok Tel: +66 2 861 0950 Opening hours: Daily: 5-11pm; Tue-Sun: 11am-3pm Facebook: The Jam Factory We also wish our holiday is never ending. 4 Rainbow Accordian Folder anyroom @ The Jam Factory Matina @ The Jam […]

Chiang Mai Spring '15- Huay Tung Tao Lake

嚟得清邁,預備接觸好多大自然。而大自然咁多 item 裏面我最鍾意就係水。因為清邁唔係一個沿岸嘅城市,所以唔會有海灘同海上活動。但呢度有河、湖同埋瀑布。 我地今次留嘅日子唔算長,於是揀一個近近地嘅 Huay Tung Tao Lake,坐雙排車二十分鐘倒就到。個湖大得嚟一眼望晒,大概30分鐘可以行晒一圈。有一邊係背住一列嘅山脈,畫面好靚。 呢度嚟嘅人大部份係本地人或者喺清邁住嘅外國人。聽講呢度平日嚟嘅話更加少人,感覺更加悠閑,因為啲本地人都係等周末過嚟。我哋就唔到時間,只能夠星期六嚟,人流覺得可接受,起碼一粒遊客都無。 呢度好多大人細佬會喺湖邊玩水,但我地到嘅時候啱啱落咗一場過雲雨,Francis 話呢個時候嘅水最唔乾淨,所以我只係留喺淺水地方行吓、企吓,都叫做濕咗水,好開心!呢度如果唔游水嘅話,仲可以租水上電單車同租水泡坐。 湖邊圍住一行行、一組組嘅草屋,你可以當每一組係一間餐廳咁,由唔同人負責經營,俾人乘涼同叫嘢食叫嘢飲。或者如果自己帶食物飲品嘅話可以淨租草屋。 有人話俾我聽因為內地遊客無興趣嚟呢啲地方,所以呢度係我哋成個清邁 trip 唯一一度冇周圍寫晒簡體字嘅地方,好感動。 From riverside to lakeside Finally

Chiang Mai Spring '15- Regina Riverside Coffee

我地兩口子今次第一次嚟清邁,對呢個小城嘅感覺係,佢擁有好多曼谷好嘅元素,但係無曼谷嘅缺點,譬如好似塞車同蠱惑的士佬嘅問題。我地兩個都鍾意清邁更勝曼谷。 其中清邁同曼谷一樣嘅就係彼此都由一條河貫穿。河嘅兩邊有唔少 cafe 同餐廳等客人一邊進食,一邊享受舒心嘅河景。而我哋今次就揀咗呢間細細嘅 Regina Riverside Guesthouse 食晏暨欣賞美麗嘅湄平河。 老闆係泰國香港混血兒,一入門口先係由老闆家族喺世界各地搜羅返嚟嘅小古物組成嘅半 museum 半小店嘅地方。再入去就係佢地嘅餐廳,有數隻瞓得舒服到搞極都唔醒嘅貓貓喺度陪客人進食。呢度嘅食物唔錯,價錢亦非常相宜。不過喺清邁要搵到價錢唔相宜嘅食肆先係困難嘅地方。 Lunching with a cat today My Favorite Thai Dish

Chiang Mai Spring '15- The Dhara Dhevi

今次嚟清邁其中一樣最期待嘅活動就係嚟 The Dhara Dhevi 酒店嘅Cake Shop 買 macaron. 佢地嘅 macaron 除咗係比平時食開嘅無咁甜之外… 今次嚟清邁其中一樣最期待嘅活動就係嚟 The Dhara Dhevi 酒店嘅Cake Shop 買 macaron. 佢地嘅 macaron 除咗係比平時食開嘅無咁甜之外… 今次嚟清邁其中一樣最期待嘅活動就係嚟 The Dhara Dhevi 酒店嘅Cake Shop 買 macaron. 佢地嘅 macaron 除咗係比平時食開嘅無咁甜之外… 今次嚟清邁其中一樣最期待嘅活動就係嚟 The Dhara Dhevi 酒店嘅Cake Shop 買 macaron. 佢地嘅 macaron 除咗係比平時食開嘅無咁甜之外… 今次嚟清邁其中一樣最期待嘅活動就係嚟 […]