每日一字 : aware

每日一字 : aware

「我無留意喎!」
英文係
I didn’t notice.
I didn’t pay attention.
亦有唔少人知道可以用 aware 呢個字。
但如果你寫 I didn’t aware.
咁就要留意番喇。

Notice 同 pay 呢兩個都係動詞
用 simple past tense 去講冇做呢兩個動作
冇錯就係用 didn’t
但 aware 唔係動詞,而係形容詞
咁點算好呢?

唔使懼怕,等 Miss Joey 慢慢解釋俾你聽
喺呢個時候我哋有請幾個
同樣係形容詞嘅臨記出場先

Happy 同 beautiful 呢兩個都係形容詞
希望大家都記得
如果我哋用 simple present tense
話自己開心同靚
就係
I am happy.
I am beautiful.
要轉佢做 simple past tense 就變成
I was happy.
I was beautiful.
咁如果又唔開心又唔靚嘅話(真係慘)
咁就係 I was not happy.
I was not beautiful.

咁即係話如果想用 notice 同 pay attention
去表達你冇留意嘅話
無錯係
I didn’t notice.
I didn’t pay attention.
而如果用 aware 嘅話
就係 I wasn’t aware 喇!

And you are now aware of the right way to use the word ‘aware’!



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.