Candy Crush 小遊戲 大道理

[fdropcap bg=”#333333″ color=”#ffffff”]成[/fdropcap]日同朋友傾 Candy Crush, 發現當中嘅玩法原來潛藏咗好多人生哲理。臨過年送上呢篇小遊戲大道理,祝大家新一年人生充满智慧和歡樂!

Candy Crush 小遊戲,人生大道理

1) 有觸覺同先見之明早開始玩有著數,但亦千萬不能躲懶,唔係好快俾人從後趕上。

2) 要過關,齋靠實力未必得,係要靠啲運氣,睇吓個天跌咩糖落嚟俾你。但完全亂嚟等運到就更加唔得。

3) 如果你間唔中 stuck 咗喺度, 可能係運氣同難度問題。但如果係成日好多關都過唔到, 遲過你開始玩嘅都爬晒你頭,極大機會係你實力不足問題。不過千萬唔好氣餒,人生仲有好多唔同種類嘅遊戲等住你玩。

4) 同樣地,如果你見到有人好少 stuck, 「澎澎」聲咁升上去,除咗努力同肯投資時間之外,一定係有實力。呢個時候就唔好眼紅話人地死好命喇。

5) 你問人某個 Level 點過,唔會有人解釋到俾你聽。一定要自己玩,自己去體驗,最終會揾到自己過到嘅方法。

6) 有啲關好難過,但只要你辛苦啲過咗佢,你一定會學到一啲竅妙,去迎接未來更難嘅關。

7) 你同啲 Level 184 嘅人講你 Level 65 好難過,壓力大嘅朋友會同你講:「你呢啲叫難??你升到我呢啲 level 先講啦!!」寬容啲嘅朋友好想講但唔想提早話俾你聽之後啲 level 更難嘅挑戰,怕嚇親你,最後會笑一笑,叫你俾心機繼續努力玩。

8)無關痛癢嘅 life 朋友唔怕俾多你,最緊要你記得還。但如果好耐都過唔到一關,隊部機叫人幫你玩,可能只係最 friend 嘅朋友或者家人先會救你。

9) 同所有其他 Facebook game 一樣,最終邊個最高 level,係鬥耐力,睇吓邊個一直唔放棄,個個 quit 晒都仲繼續玩,留守到最後,奪得最高嘅江湖地位。



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.