Recent Posts

語言的力量

語言的力量

因為小狗 Franki 最近要做手術 作為母親嘅 過去幾日都長時間逗留喺診所等候報告 喺大堂等候嘅期間 不斷聽到類似以下嘅對話: 主人 A:「咁曵嘅咩?唔帶你返去吖嗱?」 主人 B:「咁嘈嘅咩?蝦!作死你!」 主人 C:「周身郁,跌死你吖嗱?」 主人 D:「行/坐/企好啲啦!死蠢/衰嘢!」 我相信 應該在座嘅個個都錫自己嘅小狗 如果唔係都唔會帶佢哋嚟睇醫生 但以我嘅愚見估計 有部分嘅主人 係做以上嘅反應俾人睇 覺得咁會幾惹笑 另外有啲係慣咗口 對住小朋友、小動物 甚至乎家人朋友、同事、家傭 總會用咁嘅口氣同對方溝通 我本身作為一個過度活躍症人士 曾經都喜愛以直率、坦白為理由 無去三思自己嘅說話之餘 更經常失言、說話常常衝口而出 但自從成為一位老師 從各門各派學到語言嘅力量,譬如 西醫嘅心理學認為 說話嘅傷害俾肉體帶嚟嘅更深遠 佛教有一戒律為不妄語 新時代(New Age)嘅理論 形容滿口負面說話嘅人為情緒垃圾人 我自己嘅經驗就話俾我聽 用正面嘅說話 唔單止係為咗人哋嘅感受 最重要係令自己嘅說話 更有效、更有說服力 如果想自己嘅說話能更有效地被傳達 基本上別無他法 […]

每日一字 : exciting vs excited

每日一字 : exciting vs excited

學英文嘅同學可能都有過 要分辨 exciting 同 excited 嘅經驗 唔同人用唔同方法去記 有人會話 excited 係過去咗 而 exciting 就係進行中 另外有人會記住 excited 係用落人 exciting 係用落死物 但其實以上嘅方法都唔夠清晰 今日等 Miss Joey 教你一個方法 睇吓幫唔幫到你 ed 尾嘅係解被令到有呢個感覺 ing 尾嘅係解令人有呢個感覺 例句: 你俾一個消息令到你好興奮 英文係: I am excited! 個消息令人好興奮 英文係: That is exciting! 再睇多幾個例子: confused/confusing, relaxed/relaxing 我俾啲訊息令到我好混亂 英文係: I […]

每日一字 : was

每日一字 : was

認識好多大人想學好英文、用好英文 其中一樣會盡量注意嘅就係 tenses 有時想講過去嘅嘢 記得細個老師話要用 simple past tense 於是就即刻攞個 was 出嚟組句 譬如 I was went, he was talked, she was did 但係原來件事唔係咁。 無錯英文有好多規則淨係啲名都記死人 譬如 simple past tense 有幾 simple 先?? 我覺得好難學囉! 吖!原來佢真係好簡單 因為一個字就搞掂 唔似得其他 tense 譬如 present perfect tense 前面要加 have 或 has 嘅工具字先再加動詞 如 […]

「口水多過浪花」英語導師Miss Joey 所教授之 2018 春季成人英文班現正接受報名!

「口水多過浪花」英語導師Miss Joey 所教授之 2018 春季成人英文班現正接受報名!

🍩 成人英語速成拼音班:適合家長或希望改善英語發音之人士 🍩 成人英語基礎文法班:適合希望重新打好英語基礎之人士 🍩 成人英語電郵寫作班:適合工作上需要以英語寫作電郵人士 🍩 成人英語動詞時態(tenses)班:適合希望掌握各類 tenses 之人士 🍩 成人英語文法班 Phrasal Verbs 篇:適合希望更能掌握日常英語之人士 🍩 成人英語文法班 Modal Verbs 篇:特別適合從事客戶服務業人士 🍩 成人英語高階拼音班:適合速成拼音班畢業生 課堂地點:炮台山硯殼街 4 號 思惟坊 7 樓全層 課堂時間:7:30-9:30 p.m. 截止日期:額滿即止(所有課堂名額 10-12人)

每日一字 : tone

每日一字 : tone

可能 tone 呢個字成日會同 tune 同時出現,因而令唔少人搞亂咗佢哋嘅讀法。 Tune 解調較,讀法係先讀二嘅英文 two,然後加個鼻音 nnn…。鼻音 nnn… 嘅意思就即係好似當你諗嘢嘅時候合埋口發出嘅聲音 mmm…,然後你再嚟一次,不過今次個口好自然地擘大少少留個窿嘅,呢個就係 nnn… 音。前面加個 two,變成 two…nnn…,就係 tune 嘅讀法。 至於中間係 o 唔係 u 嘅 tone 係完全另一個字。 「我好唔鍾意佢講嘢個 tone 囉!」 裡面嘅 tone 解語氣 「齣戲個 tone 好鬼 dark…」 裡面嘅 tone 解氣氛 「麻煩你幫我 tune 一 tune 張相個 color tone。」 […]

每日一字 : aware

每日一字 : aware

「我無留意喎!」 英文係 I didn’t notice. I didn’t pay attention. 亦有唔少人知道可以用 aware 呢個字。 但如果你寫 I didn’t aware. 咁就要留意番喇。 Notice 同 pay 呢兩個都係動詞 用 simple past tense 去講冇做呢兩個動作 冇錯就係用 didn’t 但 aware 唔係動詞,而係形容詞 咁點算好呢? 唔使懼怕,等 Miss Joey 慢慢解釋俾你聽 喺呢個時候我哋有請幾個 同樣係形容詞嘅臨記出場先 Happy 同 beautiful 呢兩個都係形容詞 希望大家都記得 如果我哋用 simple […]

記住要開口搵人傾?

記住要開口搵人傾?

是晚睇完新聞好心噏 想講一講英文以外我最關注嘅課題: 心理及情緒 電視節目主持人每次報道呢啲嘅新聞 總會話凡事有嘢諗唔開 記住要開口搵人傾 我相信好多人喺絕望之前 總有開過口同人傾 但呢個讀得書多嘅年代 最叻用邏輯、分析去安慰人 一唔係「你唔好咁諗」、「你唔好轉牛角尖」 就係「你諗太多」、「你要堅強啲」 或者係「你試諗吓 xxxxx」 唔開心嘅時候聽落去 正等於「我唔認同你唔開心」 一樣咁難聽 情緒需要抒發嘅時候想搵人傾 其實只想等對方講一句「我明白。」 留意後面係句號 即係之後無又跟手加一句「但係xxx」嘅, 都幾咁難 所以我呢個婦孺有一個卑微嘅願望 就係希望所有人 唔開心嘅時候接受自己嗰份嘅負面情緒 唔好再壓抑、扭曲、program 自己 人地唔開心嘅時候亦認同對方嘅負面情緒 亦唔去壓抑、扭曲人哋、企圖去 program 人地 呢份就叫做同理心 因為我膚淺地覺得 大埔巴士事件唔關晒 part 唔 part-time 事 美國校園槍殺案除咗 gun control 外 仲有香港不斷發生嘅自殺案 只要公眾對處理情緒有番正確嘅理解 以上嘅都可能會減少發生 […]

3D Glasses

3D Glasses

New Year, New Series!- Learn English the Daily Way! Lesson 1 – 3D Glasses If you: 1) need glasses when watching a movie; and 2) need to buy 3D glasses again for the nth time Ask the service counter for these clip-on 3D lenses which […]

每日一字 : a / an /the

每日一字 : a / an /the

好耐冇出 post,積埋好多嘢寫,揀樣最緊要嘅講先。 我幫好多成人同學修改 email,其中一個漏得最多嘅詞類就係冠詞(articles),即係 a/an/the,特別係我哋喺腦裏面中文直譯英文時好容易會漏咗。等我首先同大家講吓個 general rule 先。但要忍一忍,因為好多術語。🙇🏻‍♀️ 當你喺文中要用一個單數嘅數得名詞(countable noun),佢前面就一定要有限定詞(determiner)。而最普遍嘅限定詞就係 a/an/the. 留意講緊嘅係單數嘅數得名詞。 數得名詞大家都記得係咩係咪?一般嚟講,所有你見過有 s 嘅名詞就係數得名詞,譬如芒果(mango/mangoes)、蛋糕(cake/cakes)、合約(contract/contracts)、人客(client/clients)。 單數,即係雖然佢係數得名詞,但你用緊佢無 s 嘅版本。譬如 mango, cake, contract, client. Level 1 例句 我鍾意食芒果 唔可以直譯做 I like to eat mango. 因為 mango 係數得名詞,而你用緊佢無 s 嘅版本,咁即係有嘢唔對路。 正確嘅寫法係: I like to eat mangoes. Level 2 […]

香港過度活躍症協會10 周年研討會

香港過度活躍症協會10 周年研討會

獲邀於香港過度活躍症協會 10 周年研討會 與同係過度活躍症人士嘅森美 一齊作為分享嘉賓 因為以前唔合格嘅分享經驗 令自己今次無再去編排俾自己 太多一定要講、一定要講嘅 points 令自己可以放鬆、思路清晰地 去 deliver 一個令自己好滿意嘅分享 除咗喺平時可以同大家 分享學習英文嘅樂趣 亦能夠有機會去作為過來人 同公眾分享有關過度活躍症嘅種種 實在唔能夠更加滿足、更加感恩

每日一字 : time

每日一字 : time

最近有調查顯示香港人嘅英文水平俾鄰近國家超越,咁就等 Miss Joey 周圍留意吓,教番大家一啲要出街嘅英語嘅正確用法。 Time 呢個字用途好廣泛,可以做名詞(解時間、次數等等)或動詞(解計時等等),另外佢仲可以變成形容詞。 就咁用 time 做形容詞嘅話,去形容一樣樣同時間有關嘅嘢。譬如 time management 時間上嘅管理,time limit 就解時間上嘅限制。 至於將佢變成 timed 去用作形容詞,就係去形容一啲嘢有時限。譬如 timed game 解一個有時限嘅遊戲,timed rehearsal 係一個有時限、係計時嘅綵排。 最後,將 time 變成 timing 亦可作為形容詞,去形容一啲嘢同時機有關,譬如 timing problem 解時機嘅問題。 咁如果你同我一樣相信呢個舖頭想表達嘅係限時優惠,咁你覺得當中嘅 time 應該改成咩最啱呢?

每日一字 : young

每日一字 : young

可能係因為 young 裡面嘅字母 O 錯誤引導大家去擘大個口去讀呢個字,而原來其實唔駛咁。今日就等我提提大家佢個正確讀法。 喺呢個時候我需要大家重溫幾個字先:佢地係解掛嘅 hang hung hung 個 hung、解唱歌嘅 sing sang sung 個 sung、解肺嘅 lung,同埋吳雨霏之前隊樂隊 Ping Pung 個 pung。留意呢幾個字係押韻嘅。 hung sung lung pung 讀多次大聲啲嘅,去聽真啲個讀音。讀大聲啲真係好緊要,因為陣間我要你靠耳仔去糾正自己一個多年嘅讀音: hung sung lung pung 直至你感覺到佢地係押韻嘅你就準備好喇。之後你幫我將解年輕嘅英文同以上呢組字押韻咁讀出嚟: hung sung lung pung “年輕” 嘅英文 我特登唔打個英文字出嚟,因為原來我地學英文,你一眼見到嗰個字,你就會讀番固有嘅讀法出嚟。你試吓淨係靠耳仔,去將年輕嘅英文字同上面幾個字押韻,呢個就係呢個字正確嘅讀法。唔得嘅話試多幾次,再唔得,打去 28700666 俾我,我同你練 📞。 希望你成功! Image may contain: […]

每日一字 : thank you in advance

呢篇文章講述咗我平時都會提醒我啲大人學生嘅一點:喺下次用 Thank you in advance 之前,大家一齊清楚了解番佢真正嘅意思先。 Thank you in advance 故之然係喺人地落手幫你做一件事之前,你已經多謝咗先。如果你所發嘅係譬如一個大眾電郵,需要招攬一啲嘅協助,或者係提出一啲對方根本一定會做、一定要做嘅嘢,譬如準時返工、deadline 前交 timesheet、嚟緊有人嚟回收月餅盒大家幫手帶啲返嚟、叫個 contractor 做啲佢服務內包含嘅嘢,你絕對可以用 Thank you in advance. 但如果你提出一個人地可以 say no 嘅要求,譬如好似文中叫同事幫手整 cupcake 嘅例子,或者要求個客俾晒所有同事嘅名你、叫你 team member 到時早啲返嚟幫手,你講 Thank you in advance 即係焗人去幫你、老馮人地一定要幫你,咁就唔係幾適合喇。 「唔講 Thank you in advance 咁可以點講」懶人包!: – Thank you for your time. […]

每日一字 : very

每日一字 : very

又一中文不能直譯英文篇 🎙 我好鍾意佢。 照直譯做英文就變成 I very like it. 我好鍾意、好鍾意佢。 照直譯做英文就變成 I very, very like it. 中文例句裏面嘅鍾意直譯做英文嘅 like 無問題,但「好鍾意」就不能直譯成 very like,事關 very 唔能夠用嚟形容一個動詞,正等於英文無 very eat, very drink, very sleep, very talk 一樣。 咁最接近嘅講法應該係點?我哋可以話 I like it a lot. 或 I like it very much. 唔好意思字數上係多咗,但呢個已經係最接近而最簡單得嚟最短嘅講法。😆 呢幾集教嘅聽落好似好簡單,但我不時聽到好多人情急底下都會咁直譯去講出嚟。如果你可能都會嘅話,希望呢幾集幫到你。 […]

每日一字 : back

每日一字 : back

我啱啱喺加拿大返嚟 照直譯做英文就變成 I just back from Canada. 我今日返番工 照直譯做英文就變成 I back to work today. 因為呢兩件事都係講之前發生嘅,心水清嘅同學可能會有所猶豫,因為知道應該要用 past tense,但又好似無聽過 backed,咁點算好……? 咁等我地一齊溫一溫啲基本嘢。英文句子嘅最基本條件係一定要有動詞,即係 do did done doing, see saw seen seeing 嗰啲。喺以上兩句中文句子裡面「返」係個動詞,要譯做英文,我地第一時間諗用 back。 但其實大家諗深一層,記唔記得 back 好似同 in, on, at 嗰啲一樣係 preposition?無錯,back 通常被用作 preposition 或 adverb,先唔好理呢啲係乜鬼嘢嚟,總之你要搵解「返」嘅動詞唔係 back,而所以我地記憶中無喺呢個情況見過 back backed backed […]

每日一字 : no need

每日一字 : no need

我無需要返星期六。 照直譯做英文就變成 I no need to work on Saturday. 我唔需要呢個服務。 照直譯做英文就變成 I no need this service. 但其實英文唔係咁講,至於點解,就要講到好悶嘅一章——詞類。 Need 呢個字可以喺唔同嘅句子主要被用作動詞或者名詞呢兩個詞類。所以以上呢兩句說話最接近嘅正確寫法有兩個: 第一個以 need 作為動詞 I don’t need to work on Saturday. I don’t need this service. 第二個以 need 作為名詞 There is no need for me to work […]

每日一字 : atmosphere

每日一字 : atmosphere

間唔中會聽到 atmosphere 呢個字中間嗰節俾人讀得清楚得濟,讀咗 at-巫-sphere(第一節高音,第二同第三節低音,第三節嘅 sphere 係讀 fear 前面加個 sss…. 音,一個好似扮蛇叫咁嘅音)。 但原來喺英語嘅世界裡面,好多兩節以上嘅字,低音節嘅響音係唔使發,或者正確嚟講,係將佢發一個好短嘅音,有睇過我之前嘅 post 嘅舊同學都應該聽我講過好多次呢幅屁。 呢個規則聽落好似好複雜,不過唔緊要, 等我用個簡單嘅方法,令你地學識佢點讀: 首先你同我讀一次 Christmas 呢個字先,無錯喇。你會聽到呢個字有兩節,咁你幫我將第二節記住點讀先。 然後其實你啱啱記住咗 Christmas 嘅第二節,就係 atmosphere 中間嗰節喇——atmosphere 嘅第一同第三節嘅 at 同 sphere 都照平時咁讀就可以,但中間一節你幫我用 Christmas 嘅第二節,就啱晒喇!

每日一字 : staged

每日一字 : staged

當有時我地睇有啲嘅節目覺得佢地係做馬嘅時候,我哋英文係咪講: Oh come on! The show is make horse law! 講笑咁玩講 chinglish 梗可以啦!但原來英文字典裡面真係有一個字去表達做馬、內定,或者一啲好似即場發生嘅事其實係預先安排嘅。呢個字就係 staged——喺 stage 後面加個 d,係一個形容詞。 All the outcome of these singing contests are staged. Don’t take them too seriously. 呢啲嘅唱歌比賽嘅結果全部都係一早內定嘅,唔使對個節目太認真。 As much as the reality shows look genuine, most of them are really […]

每日一字 : pageant

每日一字 : pageant

一年一度嘅選美盛事又嚟緊喇,令我諗起一個大家由細到大都見到但係未必識讀嘅字。 Pageant 呢個字解選美,所以咁多年嚟嘅選美節目,喺廣告前後嗰幾秒顯示節目名嘅嗰個畫面,都會見到 Miss XXXX Pageant。但到底 pageant 呢個字係點讀呢? Pay-G-人?唔係牙…?咁 agent 前面加個 p 音讀 pagent 應該似喇啩?定係特別啲讀 page ant?? 唔好意思呀,佢呢個字嘅讀法有啲估佢唔到,等我試吓解釋俾你地聽。 呢個字有兩節。第一節同 pattern 同 passion 嘅第一節一樣,即係 pa/ttern 個 pa 同 pa/ssion 個 pa。好,搞掂第一節喇。 而第二節就係頭先出現過嘅 agent 同埋另外一個字 urgent 嘅第二節——即係 a/gent 嘅 gent 同埋 ur/gent 嘅 gent。兩節加埋就係 pageant 呢個見咗一生但都唔肯定佢點讀嘅呢個字嘅讀法喇! 希望你地明啦!

每日一字 : issue

每日一字 : issue

上次打完風(即係 3 日前 😔)教個 hoist 字同埋話下次打風會講 issue 呢個字。咁即係宜家講。 平日會行服裝店 izzue 嘅朋友,讀得啱嘅機會比較大啲,因為會聽到店員話:「Welcome to Izzue!」(izzue 同 issue 為同音)好似我咁無去開嘅同學又讀得啱唔啱呢?我地一齊 check 吓先。 Issue 呢個字有兩節。第一節好多人讀 E——係差唔多,不過幫我讀短啲,無錯喇。第二節雖然係 ss 開頭,但係就一啲 s 音都無,所以唔好讀阿 Sue 個名咁,而係讀鞋子嘅 shoe 咁——sh 音開頭,亦當然因為第二節係低音節,所以將佢讀低音啲。 唔知大家會唔會因為無端端要將 ss 讀 sh 音而覺得好困擾呢?其實呢個情況雖少,但都有一啲常用字會咁,譬如有啲 -sure 尾嘅字例如 pressure, insurance(原本為 insure),同埋我地好熟悉嘅 sugar 同 sure,個字母 s 都應該係讀 […]