Miss Backpacker 旅遊日記

泰萊桑樹紙社企 Jinnaluck

泰萊桑樹紙社企 Jinnaluck

上泰萊北邊 靠近緬甸嘅邊境 有呢間專招呼本地人 主要做桑樹紙嘅社企 客人可以參加自製桑樹紙工作坊 先可以喺佢地種滿七彩嘅花草嘅前後園 挑選自己喜愛嘅花草 😍😍😍 然後學習將桑樹紙漿平均地舖落木框度 繼而將摘番嚟嘅花同葉按照自己嘅意思 放置喺木框裡面 最後風乾後就擁有自己嘅桑樹紙 我好鍾意我先生嘅成品(圖四) 亦都幾滿意自己嗰張(圖五) 覺得好開心、好幸福 建議大人小朋友都可以嚟玩呀! 呢個社企唔單止做紙 仲有做另一樣我地估佢唔到嘅產品 下期再續

星夢郵輪世界夢號皇宮套房攻略

星夢郵輪世界夢號皇宮套房攻略

啱啱喺九月尾去完星夢郵輪嘅世界夢號越南之旅 今次係我哋第二次上星夢郵輪 上次係上世界夢號嘅姊妹船雲頂夢號 即係兩者裡面嘅餡係一模一樣嘅 住普通級裡面最貴嘅海景露台房去沖繩同宮古島 我同我先生都好鍾意 但見到人哋皇宮套房啲住客有自己嘅範圍 自己嘅游泳池 覺得好羨慕 於是畀佢「呃」咗去今次畀多少少錢 住皇宮套房,不過係最低級嗰隻 即係比上次高一級 我哋以上就仲有三種嘅套房 但我哋已經覺得非常喜歡 我作為一位慳錢達人 將兩個級別嘅分別衡量咗一大輪 如果住返上次個級別嘅房間嘅話 可以比少 $2400 畀多 $2400 住皇宮套房嘅話 喺佢地要畀錢嘅餐廳度可以有 5 餐特色套餐 用普通速度嘅 wifi 唔駛錢 有只供皇宮套房客人用嘅游水池 同埋靠岸嘅時候有免費接駁巴士去市中心 因為個總數真係幾大 比我哋平時去嘅旅行貴 所以係真係計完一大輪之後先下定決心試吓皇宮套房 旅程完結之後我可以肯定地話俾自己聽 我嘅選擇係正確嘅