滅氏租移 ● 每日一字

每日一字:書 vs she

每日一字:書 vs she

解女仔她嘅 she 呢個字大家都一定識 但係係咪發音都一定啱呢? 我哋一齊測驗吓先 試吓讀出以下句子 期間留意吓自己嘅發音: She is my friend. 👭 She is my friend. 👭 She is my friend. 👭 如果你讀以上嘅句子 聽到自己讀:「書 is my friend。」 以下嘅解說就啱你喇 書呢個字嘅發音同 she 係有啲啲似 📚 但始終係唔同 不能互相代替 咁點算好呢? 要學識 she 嘅正確讀法分兩部份 ✌🏻 第一部份係搞清楚 sh 嘅發音 好似好肉緊地想去錫一個人咁嘟起個嘴去講: Shhhh… BB […]

每日一字:deliver vs delivery

每日一字:deliver vs delivery

今日唔講治國、平天下 講一講齊家吖 呢排上晒腦 跟緊日本整理女皇藤原麻理惠 Marie Kondo 用比斷捨離更好嘅方法 執自己間多嘢到一個點嘅屋企 進展出奇地良好 令我出奇地有滿足感同動力 仲聽 Marie Kondo 話 上淘寶買咗啲好平好靚嘅兜去協助整理 (係係係,佢無話一定要喺淘寶買 😆) 令個過程更有效、更順利 講開淘寶,相信佢係好多同學生活嘅一部份 所以令大家好多時都會用到 delivery 呢個字 不過我留意到 有啲同學要學一學番呢個字嘅正確用法 你地都睇吓你地有無用得啱吖

Amazing Luke Islam on AGT + 每日一字:should vs should have

Amazing Luke Islam on AGT + 每日一字:should vs should have

新一季 America’s Got Talent 進行得如火如荼 早幾日前嚟參賽嘅有呢位好犀利嘅十二歲男孩子 Luke Islam 唔知係雞先定蛋先—— Luke 住喺紐約 亦熱愛百老匯音樂劇 所以攞嚟參賽嘅 亦係音樂劇 Waitress 嘅主題曲 She Used to be Mine 上台前主持人 Terry 喺 00:40-00:48 同佢有以下呢個對話 Terry: Well, you’re in New York, man. It’s all about Broadway over there. Do you actually get to see […]

每日一字:limit vs limited

每日一字:limit vs limited

知道好多香港嘅成人希望學好啲英文發音 唔想自己英文讀出嚟畀人笑。 首先我成日話 笑人嗰啲 自己學得好辛苦 學識咗 就走去笑人 其實同小朋友世界或網絡世界嘅欺凌者一樣—— 曾經被人欺凌嘅人 先會成為欺凌者 唔關你啲英文事; 再者,有時太刻意改會矯枉過正 好陰功 今日就講一講一個 Miss Joey 見到 好多人都矯枉過正嘅發音 喺過去式或過去分詞會出現嘅 -ed 結尾 好多學生都會輕輕咁去讀 因為知道讀到太明顯 好似好核突咁 其實大部份情況係應該輕輕咁去讀 除咗 -ted 尾

每日一字:tell vs say

每日一字:tell vs say

Part II 【Tell 話畀 vs Say 話】 「佢話畀我聽佢好開心。」 用呢句講英文 最適合係用個意思係「話畀」嘅 tell He told me he’s very happy. 而請留意 Tell 已經有「畀」嘅意思 所以唔需要喺佢後面再加 to 而走去將佢變成 He told to me he’s very happy. 個 to 係絕對唔需要嘅 「佢話佢好眼瞓。」 因為喺「話」後面冇「畀我聽」 所以如果用英文去表達呢句 最適合就係用只係解「話」嘅 say He said he’s sleepy. 咁如果加埋「畀我聽」喺英文裡面 變成「佢話畀我聽佢好眼瞓。」又得唔得呀? 得!不過因為 […]

每日一字:phone to you vs phone you

每日一字:phone to you vs phone you

Part I 【To call/phone 係解打電話畀】 雖然「我晏啲打電話畀你」有個畀字 但若然要用英文去表達 唔好因為咁而添個 to 字 將佢變為 I’ll call to you later. 或 I’ll phone to you later. 因為 call 或 phone 裡面已經有「畀」嘅意思包含喺裏面 而我哋只需要話: I’ll call you later. 或 I’ll phone you later. 就可以架喇! 去表達同一個意思嘅 亦可以用 I’ll give you a call […]

父母希望你永遠健康快樂 + 每日一字:suicide vs commit suicide

父母希望你永遠健康快樂 + 每日一字:suicide vs commit suicide

抱住屬於自己嘅初生嬰兒 心裏面只希望佢哋永遠健康快樂 但老師希望提一提每一位父母 當我地嘅孩子慢慢開始長大之後 真正令佢地快樂嘅方法

每日一字:ex vs former

每日一字:ex vs former

細個學英文嘅時候 有好多對近義詞 都令我每次用嘅時候 好困擾到底唔知應該揀邊個 其中 ex 同 former 呢兩個 就係好好嘅例子 Ex-girlfriend 係舊女友 Former girlfriend 又係舊女友 Ex-boss 係舊老細 Former boss 又係舊老細 到底有乜嘢分別呢? 原來傳統嚟講 ex- 只可以係指對上一個 Former 可指所有嘅前度 不過呢個分別已經逐漸模糊起嚟 今日講吓到而家仲被廣泛成立嘅分別吖! 分別一:Ex- 比 former 負面 而 former 比較中庸。 一個不歡而散或被厭惡嘅故人 英文人好自然會用 ex 去表達 例句: My ex-girlfriend keeps texting me. […]

Tom Hanks on The Graham Norton Show

Tom Hanks on The Graham Norton Show

Miss Joey 好鍾意睇英美 talk show 適逢 Toy Story 4 就嚟上畫 搵咗呢條舊舊地 Tom Hanks 上 The Graham Norton Show 超好笑嘅片畀大家睇 而因為佢無官方字幕 我幫你地將啲字幕打晒出嚟 等你哋可以一齊笑之餘 又可以學吓英文! (建議你地開住電腦睇影片 同時攞住電話睇以下嘅「字幕」😆) 當中 Tom Hanks 主要係講 網上面有人話個 Woody 公仔把聲其實係佢哥哥 到底孰真孰假 同埋講述番幫 Toy Story 配音時嘅趣事! NORTON: You listen to this. DOLL: Ha ha! […]

咩條件先可以成就一個成功嘅電影配樂師? + 每日一字:you love most vs you love the most

咩條件先可以成就一個成功嘅電影配樂師? + 每日一字:you love most vs you love the most

老師慶幸身邊有唔少以藝術為職業嘅朋友 當中包括唔少音樂人 🎶 令自己都沾到丁多文化氣息。 而近年睇住喺電影配樂界裡面發展唔錯嘅一位朋友 啟發咗我最近諗咗一條問題問我嘅青少年學生: 「你覺得咩條件先可以成就一個成功嘅電影配樂師?」 要有高深嘅音樂造詣? 要好鍾意睇戲?📽 要好知道一部電影裡面咩時候出咩音樂? 以我所了解 以上嘅故知然緊要 但其實更加緊要嘅係

太平山街一日遊 + 每日一字:wrap up

太平山街一日遊 + 每日一字:wrap up

我同我先生禮拜日兩個太平山街一日遊 行一圈太平山街、飲杯茶、然後行過去 PMQ 夜晚食飯返去太平山街之前行過見到嘅 西班牙餐廳食晚飯 第一幅相一眼望晒佢地全店 十二個位、無餐牌 你首先當佢係一間西班牙食品店 有火腿、肉扒、現成 tapas(西班牙下酒菜、見圖二)、酒等等 你睇啱邊樣嘢,可以買走或好似我地咁即場食 我地要咗沙甸魚、蜆各一 tapas 500g 火腿、一塊豬扒、一個大啡菇意大利飯 另外一杯 house red 加一支有氣礦泉水 連埋送嘅四杯甜酒 埋單每人都好相宜 我懷疑佢淨係收咗我哋食物嘅錢

復仇者聯盟第四集背後嘅教育意義

復仇者聯盟第四集背後嘅教育意義

復仇者聯盟第四集出咗啱啱好三個禮拜 應該唔怕傾喇卦… 不過都係警告一聲

每日一字:my 咀定 mine 咀

每日一字:my 咀定 mine 咀

【咪咀嘅英文係 my 咀定 mine 咀?】 我最鍾意嘅清談節目主持人 Jimmy Fallon 因為喺佢個 talk show 中期 創立咗一個叫 Lip Sync Battle 嘅環節 靈感來自好多人 都鍾意自己一個人喺屋企嘅時候 聽到啲自己好鍾意嘅流行曲 就會情不自禁當自己係歌者一樣 好有感情地咪晒咀跳晒舞做晒台風咁 所以個玩法就係 Jimmy Fallon 同嘉賓 輪流咪咀去表演 然後用觀眾掌聲嘅聲量去斷定冠軍。 後嚟呢個環節喺友台 Spin off 咗出嚟成為一個獨立嘅節目 由 John Legend 太太 Chrissy Tiegen 同饒舌歌手 LL Cool J 做主持 每集邀請嘉賓嚟用咪咀格鬥 然後最後亦係由現場觀眾選出勝出嘅一方 […]

每日一字:taught

每日一字:taught

最近先發現 原來有唔少大人 將作為 teach 嘅過去式嘅 taught 呢個字 讀得多嘢得滯添 ☺️ 點樣多得滯呢? 等我嘗試講解 個重點就係原來 taught 呢個字 裏面嘅 gh 係無音嘅 我再重申:係真係完全一啲音都冇 兩個字母都冇 即係話你扮見佢地唔到就得喇。 然後中間個 au 音其實同 aw 音一樣 你心諗:「咩 aw 音呀?」 你識嘅 Draw, law, saw 你都識讀,係咪? 咁你再幫我讀一次:draw, law, saw 然後繼續押韻讀 taw 再嚟多次:draw, law, saw, taw 冇錯喇 最後幫我喺 taw […]

每日一字:Earl Grey tea

每日一字:Earl Grey tea

近年見得多 earl 呢個字 應該都係多得好受歡迎嘅英式黑茶 Earl Grey tea ☕️ 可能 earl 嘅第一個字母係 e 嘅關係 令唔少人將呢個字讀成 L 即係 L Grey 咁 如果你都係嘅話 就留意番喇 你睇真啲佢個串法 係同兩個我哋好熟悉嘅英文字好接近 一個係解珍珠嘅 pearl 一個係解早嘅 early 如果你做到嘅話 試吓將 pearl 拎走佢第一個 p 音去讀 就係 earl 嘅讀法 唔得嘅話 試吓用 early 呢個字吖 Early 呢個字有兩節,係咪? 你將 early 第二節拎走 […]

聽歌學英文之 【I’ll Always Remember Us This Way 我會永遠記著我們此刻的模樣】

聽歌學英文之 【I’ll Always Remember Us This Way 我會永遠記著我們此刻的模樣】

三個月前睇 A Star is Born 到今日仲喺度 loop 緊隻電影原聲大碟 而其實比起主題曲 Shallow 同埋觸動好多觀眾淚腺嘅 I’ll Never Love Again 自己更鍾意 I’ll Always Remember Us This Way 因為硬係覺得 I’ll Never Love Again 好刻意催淚 反而呢一首歌為呢一對戀人 紀錄底佢地熱戀之時最感動嘅一刻 於是決定試吓將呢首歌嘅歌詞逐句翻譯成中文 去畀聽過或未聽過嘅同學 感受下當中嘅意境用意思! 備註: choke up- 係一個解哽咽嘅動詞片語 Arizona- 亞利桑那州係片中 Bradley Cooper 演出嘅角色 Jackson Maine 所居住嘅州份 […]

每日一字:raise up vs raise

每日一字:raise up vs raise

如果我地想講: 「今日喺會議裡面你地提出嘅嗰個問題…」 提出提出,有提有出,咁英文實係 raise up 啦!咁等我英文咁講先: 「The issue you raised up in the meeting today…」 無錯係用 raise,但原來只係用 raise 就已經係代表提出,而 raise up 就留畀 Celine Tam 小朋友唱 You Raise Me Up. 點解佢用得我哋又唔用得呢?等 Miss Joey 試吓解釋吓先。 Raise 有好多個唔同意思,包括提出、舉起、提升或湊大等等。注意佢裏面已經包含出、起、升同大。所以正常情況,後面都唔需要加 up. He raised an interesting question in class. My son […]

每日一字:there is/are vs there was/were

每日一字:there is/are vs there was/were

【嗰度有 ≠ there have 之下集】 承上集繼續講幾時用 there is/was 幾時用 there are/were 我假設大家知道平時咩單數就用 is/was 眾數就用 are/were 咁如果我地想講 三間廠裏面有一粒糖 或者 一間廠裏面有三粒糖 到底當佢係單數定眾數!!?? 喺正常情況下 原來個答案正正係睇你想講喺度嘅嗰啲嘢 譬如你想講 三間廠裏便有一粒糖 我哋就睇糖 所以英文係 There is a candy in the 3 factories. 至於 一間廠裏面有三粒糖 我地就繼續睇糖 亦因為今次係三粒 所以英文係 There are 3 candies in the […]

每日一字:there have vs there is

每日一字:there have vs there is

【嗰度有 ≠ there have 之上集】 「嗰度有好多嘢食架!」 「嗰度有多嘢玩架!」 「嗰度有好多人。」 無錯: 嗰度 = there 有 = have 但記住原來中文嘅嗰度有 要用英文去表達並唔係直譯嘅 there have 一個地方以前有,係 there was 或 there were 一個地方宜家有,係 there is 或 there are 下一集講講幾時用 there is/was 幾時用 there are/were 廣告時間: 如果你由細到大都好希望有一日可以搞番清楚啲 tenses 可以參加 Miss Joey 英語文法班之 Tenses(動詞時態)篇! […]

每日一字:mum vs madam

每日一字:mum vs madam

【做乜工人姐姐要叫我 mum??】 啱啱喺越南旅遊嘅途中 收到身處於台灣嘅朋友喺 Facebook 私訊問 如果嚟緊有個 event 要代表佢嘅界別 有機會見到總統 應該點用英文同蔡英文打招呼 首先,呢件事了結咗我多年嚟嘅心願 希望有一日會聽到英文同蔡英文被扯埋一齊講!☺️ 再者,我好戥我朋友光榮 亦感到好榮幸可以被問及我嘅建議 以策萬全 我無建議畀朋友一個太花巧嘅講法 純粹教佢 My honor to meet you. 至於跟手嘅稱呼方面 我地聽得多美國人稱呼男總統做 Mr. President 咁到底應該點稱呼一名女總統 我地即管一齊研究吓 假設蔡英文經已結婚 我地都唔應該叫佢 Mrs. President 因為呢個係留畀男總統嘅太太嘅稱謂 至於畀我地去稱呼本身自己擁有高官地位嘅女士 或者去表示尊敬之心去稱呼一位女性 無論佢結咗婚未 喺英文裡面我地都會用 Madam 呢個稱謂 譬如 Madam President, Madam Justice […]