Miss Empathy 成長日記

奧巴馬對 2019 年輕人嘅睇法

奧巴馬對 2019 年輕人嘅睇法

奧巴馬近日一段好有啟發性嘅言詞,等我哋一路被啟發、一路學英文: “I do get a sense (感覺)sometimes now among(之前) certain(某啲) young people, and this is accelerated(加速) by social media(社交平台), there is this sense sometimes of: ‘The way of me making change (去改變事情)is to be as judgmental as possible (有幾批判性得幾批判性)about other people,’” he said, “and that’s […]

This could be why you’re depressed or anxious | Johann Hari

This could be why you’re depressed or anxious | Johann Hari

如果你或你嘅親人朋友 已經患上或懷疑患上抑鬱症或焦慮症 或純粹好負面、好鬱躁、壓力大到透唔到氣 甚至… 其實你只係想知道 何為快樂 可以睇睇呢個 Ted Talk 💕 If you’re depressed or anxious, you’re not weak and you’re not crazy – you’re a human with unmet needs (未被實現的需求). Because we live in this machine that is designed to get us to neglect (忽視) […]

You don’t have to have a dream?

You don’t have to have a dream?

澳洲知名笑匠 Tim Minchin 被邀請於大學畢業禮作演講 預備咗 9 個人生課堂去分享畀應屆畢業生 You don’t have to have a dream? Don’t seek happiness? It’s all luck? 九個大家估唔到嘅人生哲理 我每一個都萬分認同 💯 你地都認同嗎?

We only see what we want to see

We only see what we want to see

一個我經常提醒自己嘅格言 亦希望介紹畀孩子認識 等佢地可以衝破呢個人性嘅傾向 以更明亮嘅眼睛 去望得更闊、睇到更多

2500 個人格

2500 個人格

Miss Joey 成日喺度宣揚 唔好去高估我地嘅意志力 唔好去高估我地嘅抗壓力 但今次呢個故事提醒我地嘅 係唔好低估我地嘅人腦 因為原來當我地受到極大嘅威脅 精神上已經無晒辦法去自我安慰及處理 而腦裡面亦無死呢個選擇

父母希望你永遠健康快樂 + 每日一字:suicide vs commit suicide

父母希望你永遠健康快樂 + 每日一字:suicide vs commit suicide

抱住屬於自己嘅初生嬰兒 心裏面只希望佢哋永遠健康快樂 但老師希望提一提每一位父母 當我地嘅孩子慢慢開始長大之後 真正令佢地快樂嘅方法

「為何我總是正面不起來?」

「為何我總是正面不起來?」

Miss Joey 成日都寫關於一啲英文嘅正確用法 請容許老師今晚講一個中文詞語 我個人認為佢嘅正確意思 近年我地成日掛喺口唇邊嘅「正面啲」 我哋成日覺得佢好似: 行前啲、企後啲 拎高啲、攞低啲, 每逢我哋身邊有朋友、屋企人 或者自己 唔能夠即時作出呢個「正面啲」嘅轉變 我哋就會覺得好炆憎 因為我地深信呢個係我地自己幫腦筋、幫情緒 隨意撥一下或撳個掣就發生嘅轉變 點解咁都做唔到? 點解咁都唔去做?? 點解咁都唔肯做??? 當中嘅原因

咩條件先可以成就一個成功嘅電影配樂師? + 每日一字:you love most vs you love the most

咩條件先可以成就一個成功嘅電影配樂師? + 每日一字:you love most vs you love the most

老師慶幸身邊有唔少以藝術為職業嘅朋友 當中包括唔少音樂人 🎶 令自己都沾到丁多文化氣息。 而近年睇住喺電影配樂界裡面發展唔錯嘅一位朋友 啟發咗我最近諗咗一條問題問我嘅青少年學生: 「你覺得咩條件先可以成就一個成功嘅電影配樂師?」 要有高深嘅音樂造詣? 要好鍾意睇戲?📽 要好知道一部電影裡面咩時候出咩音樂? 以我所了解 以上嘅故知然緊要 但其實更加緊要嘅係

復仇者聯盟第四集背後嘅教育意義

復仇者聯盟第四集背後嘅教育意義

復仇者聯盟第四集出咗啱啱好三個禮拜 應該唔怕傾喇卦… 不過都係警告一聲

焦慮症正是這樣煉成的

焦慮症正是這樣煉成的

明白好多帶畀小朋友焦慮嘅現狀 譬如學業成績、朋輩關係 家長可能暫時未能去作出即時嘅改變。 但作為大人 除咗努力幫佢哋搵解決辦法: 幫手提佢哋溫書做功課 幫佢哋搵辦法吸收好啲, 其實仲有更重要嘅一環 要處理呢一環 我地首先要相信 喺有困難嘅時候 大部分小朋友都願意捱過去 只係佢地需要我地去幫忙疏導佢地嘅情緒—— 記住係疏導 唔係諗辦法幫佢地轉念、移除佢地嘅情緒、 去改變佢地嘅感受 唔好同佢地講: 「唔駛唔開心架!大把人呀….」 「咁大個仲喊,係咪男仔嚟架?唔好喊啦!」 「讀書係辛苦架啦!我做嘢都辛苦啦!」 我清楚以上嘅說話嘅後果 因為我都係焦慮症嘅過來人 嘗試閱讀過無數嘅 self-help 書 去學無數嘅技巧 自問好努力地喺內在去協助自己 去喺需要嘅時候處理自己嘅負面情緒 發現身邊人其實可以幫到好多—— 當佢地被感覺到佢地明白 或者只係陪伴 竟然已經可以融化好多嘅負面情緒 遠比自己去努力轉念 遠比幾多嘅分析、幾多嘅建議嚟得有用 特別喺大人咁理智、好有智慧嘅分析嘅跟前 小朋友好多時未必能立刻照跟著做 佢地覺得自己無用之餘 以後嘅負面情緒收喺心裡面 以後唔敢同咁有智慧嘅大人分享 然後 我相信 好多嘅焦慮症 正是這樣煉成的

「喊有咩用?喊嚟做乜?」

「喊有咩用?喊嚟做乜?」

我唔認識呂慧儀小姐 亦無跟進佢嘅感情狀況及有關新聞 但我見到呢個標題後好想話畀佢聽 叫佢畀自己喊 因為喊冇錯係對實體嘅現狀唔會有任何改變 而所以令我哋經常覺得、經常講: 「喊有咩用?喊嚟做乜?」 但其實喊係有兩個非常有用同緊要嘅用處 首先係正如我地急尿要去小便一樣 當我地感動或傷心時好自然會想喊 情緒就會排咁啲出嚟 叫自己唔好喊同唔畀自己去小便一樣 都唔係黃道 更重要嘅係 排咁啲情緒出嚟後 心裡面少啲情緒紛擾我地 對思路清晰好有幫助 可以幫我地更清晰地去評估事件同作決定 Miss Joey 希望同呂慧儀小姐 同埋平時唔俾自己喊 或希望制止身邊人喊嘅同學 共勉之 🌧🌧🌧 相關新聞:失婚呂慧儀發文自勉:明白哭根本無用

情緒補習班之人云亦云篇

情緒補習班之人云亦云篇

【Miss Joey 情緒補習班之人云亦云篇】 我決定咗呢個禮拜教小朋友英文嘅同時 重點教育佢地 唔好 whatsapp 見到乜就信乜 或是同學話咩就話咩: 司機死咗? 佢無拉手掣停車埋一邊食煙抵佢死? 搵個身去擋車咁冇腦? 唔係要去幫個司機 只係就算等唔切調查、判決 都唔好人云亦云 因為就算負責帶畀我哋第一手消息嘅新聞報導 都會因為傳媒可能為咗搶先報導 搶收視搶點擊 標明係據聞乜乜乜、懷疑咩咩咩 就乜都講咗先、寫咗先算 甚至乎有圖有片但無前無後 都未必有真相 由舊年嘅元朗食店被指賣狗肉事件 到今次嘅交通意外 令好多人都被太早嘅流言誤導 於是我覺得我有責任去教育我嘅學生 去令佢地可能被誤以為係「港豬」 但喺我眼中 係「未能看清事件就避免妄下判斷嘅智者」 有關新聞: 【北角車禍】以身擋車司機為退役英軍 前同僚:實死㗎,想頂一頂

Headspace

Headspace

Miss Joey 想幫大家學好英文 但其實更關注大家嘅情緒健康 話說喺好多年前跟朋友去台中 參加一個無任何宗教意味嘅十天打坐營 畢業當日六十位同學都好似學有所成 得我仲停留喺頭一日嘅進度 諗住返到嚟消化吓之後可能會好啲 但咁多年嚟一直覺得自己未掌握到打坐嘅技巧 令自己覺得幾有挫敗感 直至近年因為工作需要不斷於情緒方面自我進修 發現無論心理學、心理輔導、Life Coaching 甚至乎瑜珈、New Age 方面嘅工作者 都有建議用打坐去改善情緒健康 話打坐除咗可以幫我地處理長期積落嚟嘅負面情緒 當中我地所獲得嘅一啲技巧 可以幫我地於日常生活中帶嚟更平穩嘅情緒 減少壓力、不安、焦慮、各種痛症對我地嘅影響 甚至乎協助改善癮症、失眠、記性同專注力 長遠對身體健康都有唔少幫助 最近工作實在忙碌得要緊 於是我的起心肝去搵個 app 嚟引導自己打吓坐 而畀我搵到呢個風魔唔少西方國家、嚟自英國嘅 Headspace app 我暫時用咗一個月 覺得佢有帶到畀我預期嘅效果 所以急不及待同大家分享 呢個 app 全程由一位嚟自英國嘅打坐導師提供聲音導航 用你地最喜愛嘅英國口音慢慢地指導我地如何打坐 頭十日免費 過咗十日之後如果想繼續用 可以用優惠代碼 actofhappiness 去獲得三個月免費會籍 加上如果你日日都開一開 會獎你更加多月嘅會籍 […]

9 種過氣開解人的方法

9 種過氣開解人的方法

寫於國際心理健康日 💙 獻給每一位曾經勇敢嘅天使

I Love English@St Paul’s Catholic Primary School

I Love English@St Paul’s Catholic Primary School

(非廣告) 呢個禮拜獲明報出版社邀請 去一間小學度做一個講座 題目係「如何從生活中學好英語」 講座後我心裡面不禁不斷:「嘩。嘩。嘩。嘩。嘩。」 因為覺得呢間學校啲小朋友有自信、得體 亦不失真誠、快樂 Miss Joey 藉此希望今日獲小一派位嘅小朋友 全部都可以入到 令佢地自信快樂地發揮所長嘅學校!

The Greatest Showman (From Now On)

The Greatest Showman (From Now On)

呢篇「聽歌學英文」 係寫俾之前鍾意睇有關 The Greatest Show Man 嘅主題曲 This is Me 嘅朋友嘅 ? 再講番當日 The Greatest Showman 台前幕後總動員 要圍讀俾電影公司聽 希望電影公司對開拍電影開綠燈 除咗喺上一個 post 嘅 video 裡面 This is Me 咁震撼嘅演出外 當日仲有另外一首歌嘅演出 背後都有一個有趣嘅故事 話說 Hugh Jackman 喺最後嘅呢一次圍讀之前 被發現患咗皮膚癌 令佢需要切除咗成個鼻 並被換上一個假鼻 (上一條片有細心睇嘅朋友 會見到佢感動到喊、谷到成面紅晒嘅時候 個鼻同塊面其餘地方唔同色!) 啱啱喺圍讀前先完成手術 頂住八十針傷口嘅佢 被醫生千叮萬囑千萬唔可以唱歌 佢自己都擔心到 喺圍讀之前一日先夠膽話俾導演聽 […]

The Greatest Showman (This is Me)

The Greatest Showman (This is Me)

雖然我都好鍾意睇 Coco 但我個人認為攞奧斯卡最佳電影歌曲獎嘅 應該係 The Greatest Showman 嘅主題曲 This is Me! 有睇過齣戲或者當日奧斯卡頒獎禮嘅同學 應該都有感受過佢嘅震撼 而呢首歌彷彿係為我地呢個想宣揚多元共融、 同埋每人應為自己而自豪嘅年代 而寫嘅主題曲 然後我突然發現 原來呢首歌亦係好好用嚟學英文嘅教材! 因為佢短短幾段歌詞 用咗無數嘅 phrasal verbs 去用嚟押韻或比喻 但到底 phrasal verbs 又係咩嚟嘅呢? 其實 phrasal verb 係一啲動詞 不過後面被加上一至兩個介詞(preposition)或副詞(adverb) 從而產生一個同原本嘅動詞唔同意思嘅片語 因為就咁睇字面係好難估到 phrasal verb 嘅意思 所以語言學家好建議想學好日常英語嘅朋友 學多啲 phrasal verb 因為喺英文人嘅日常生活裡面係用好多、好多 phrasal verbs 架! […]

語言的力量

語言的力量

因為小狗 Franki 最近要做手術 作為母親嘅 過去幾日都長時間逗留喺診所等候報告 喺大堂等候嘅期間 不斷聽到類似以下嘅對話: 主人 A:「咁曵嘅咩?唔帶你返去吖嗱?」 主人 B:「咁嘈嘅咩?蝦!作死你!」 主人 C:「周身郁,跌死你吖嗱?」 主人 D:「行/坐/企好啲啦!死蠢/衰嘢!」 我相信 應該在座嘅個個都錫自己嘅小狗 如果唔係都唔會帶佢哋嚟睇醫生 但以我嘅愚見估計 有部分嘅主人 係做以上嘅反應俾人睇 覺得咁會幾惹笑 另外有啲係慣咗口 對住小朋友、小動物 甚至乎家人朋友、同事、家傭 總會用咁嘅口氣同對方溝通 我本身作為一個過度活躍症人士 曾經都喜愛以直率、坦白為理由 無去三思自己嘅說話之餘 更經常失言、說話常常衝口而出 但自從成為一位老師 從各門各派學到語言嘅力量,譬如 西醫嘅心理學認為 說話嘅傷害俾肉體帶嚟嘅更深遠 佛教有一戒律為不妄語 新時代(New Age)嘅理論 形容滿口負面說話嘅人為情緒垃圾人 我自己嘅經驗就話俾我聽 用正面嘅說話 唔單止係為咗人哋嘅感受 最重要係令自己嘅說話 更有效、更有說服力 如果想自己嘅說話能更有效地被傳達 基本上別無他法 […]

記住要開口搵人傾?

記住要開口搵人傾?

是晚睇完新聞好心噏 想講一講英文以外我最關注嘅課題: 心理及情緒 電視節目主持人每次報道呢啲嘅新聞 總會話凡事有嘢諗唔開 記住要開口搵人傾 我相信好多人喺絕望之前 總有開過口同人傾 但呢個讀得書多嘅年代 最叻用邏輯、分析去安慰人 一唔係「你唔好咁諗」、「你唔好轉牛角尖」 就係「你諗太多」、「你要堅強啲」 或者係「你試諗吓 xxxxx」 唔開心嘅時候聽落去 正等於「我唔認同你唔開心」 一樣咁難聽 情緒需要抒發嘅時候想搵人傾 其實只想等對方講一句「我明白。」 留意後面係句號 即係之後無又跟手加一句「但係xxx」嘅, 都幾咁難 所以我呢個婦孺有一個卑微嘅願望 就係希望所有人 唔開心嘅時候接受自己嗰份嘅負面情緒 唔好再壓抑、扭曲、program 自己 人地唔開心嘅時候亦認同對方嘅負面情緒 亦唔去壓抑、扭曲人哋、企圖去 program 人地 呢份就叫做同理心 因為我膚淺地覺得 大埔巴士事件唔關晒 part 唔 part-time 事 美國校園槍殺案除咗 gun control 外 仲有香港不斷發生嘅自殺案 只要公眾對處理情緒有番正確嘅理解 以上嘅都可能會減少發生 […]

「正面啲」可能原來先係最負面嘅說話

「正面啲」可能原來先係最負面嘅說話

一句句「正面啲」、「想開一點」、「別想太多」、「要放下」、「你應該要 xxxxx」,讓聽者變得沈默,傷痛嘅感受被埋藏起嚟,與言者嘅關係更可能慢慢疏離。成人的世界如是,孩子的世界亦如是。擔心他日與孩子關係疏遠嘅家長,務必好好學一學這課題。 良醫健康網:別掉入「正面思考」的陷阱! 精神科醫師:罹患憂鬱症的,往往都是那些過度正面的人 我地由細到大都聽慣咗人地咁樣應我地,而我地亦慣咗咁樣去應人,以為咁樣一講,人地個感受會因為明白道理而轉變。其實調番轉頭諗,我地因為人際關係問題唔開心,人地同我地講:「Move on!!」同人地 sung 老闆、男朋友、老公有乜唔好,人地話:「咁你都預咗架啦,無得怨架喎!」其實講完我地唔會開心咗,只會覺得人地唔明白而唔出聲。子女大咗慢慢開始唔同父母傾計,呢個亦係主因之一。其實事件嘅一切詳情只有當事人至知,而且個個價值觀同性格唔同,所以當他人有感受分享嘅時候,俾一句人地覺得被明白嘅說話,將大家嘅心拉得更近嘅同時,亦正正可以為對方帶嚟 move on 嘅力量。