對情緒病普遍的誤解

對情緒病普遍的誤解

成日眼見咁多人對情緒有嚴重嘅誤解,真係覺得好心痛。今次既然已經雙手送咗一個心愛嘅人俾情緒病,大家其實可以嘗試放下自己對情緒故有嘅睇法,嘗試重新去了解:

1)情緒係無得計算,邏輯思考係完全唔會對情緒有任何幫助。即係話,你覺得自己唔應該唔開心,係唔會令你開心咗。如果你有覺得因為咁而開心咗,只係因為你壓抑咗,個情緒會不停浮現話俾你聽佢仲響度。

2)當一個人經歷咗傷痛,個狀態、情緒未 ready 嘅時候,就係未 ready. 就算係出於關心都好,無一個旁人有資格去評定幾耐為之夠,幾耐為之係時候走出嚟。

3)形容當事人肯唔肯走出嚟係好負面同 judgemental 嘅講法,聽者只會覺得被責怪(因為萬事已俱備,只欠你唔肯!)。幫唔到件事之餘,仲會為當事人添加負能量同壓力,即係幫倒忙。

4)一個人喺 neutral 或者正面嘅情緒下係最快康復,而 judgement 會令當事人忙於嘗試更清楚地表達自己或 defend 而拖延咗康復嘅時間。

5)簡單嚟講,你覺得當事人未走到出嚟,唔係因為人地唔肯,只係因為你心急。


今日陳淑芬喺寶福山同哥迷拜祭哥哥,講到唐鶴德表現感動,同哥迷一齊懷念哥哥,以往佢只會一個人默默悼念。

陳淑芬就回應:「事隔咁多年,佢都好難抽離傷痛,今次跨出一大步,今次佢肯出嚟感覺大家對哥哥嘅愛,佢肯進步同肯去做,好好學習生活,令關心佢同擔心佢嘅人得到最好回報同安慰,其實佢之前好多心理障礙,依家舒服咗好多,今次親身直接感受愛嘅力量,相信佢一定好好生活,大家唔使擔心。」

講到有報道影到唐唐夜晚撫床而睡,陳太話:「我一向唔睇雜誌,但人哋好難先走出嚟好好生活,希望大家畀空間佢,如果有正式活動企定定畀大家影相,希望大家唔好騷擾佢私生活,大家都係人,希望大家理解,如果對哥哥尊重,畀唐唐好好生活。」

原文:陳淑芬指唐唐現身跨出一大步@蘋果日報



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.