Recent Posts

Tom Hanks on The Graham Norton Show

Tom Hanks on The Graham Norton Show

Miss Joey 好鍾意睇英美 talk show 適逢 Toy Story 4 就嚟上畫 搵咗呢條舊舊地 Tom Hanks 上 The Graham Norton Show 超好笑嘅片畀大家睇 而因為佢無官方字幕 我幫你地將啲字幕打晒出嚟 等你哋可以一齊笑之餘 又可以學吓英文! (建議你地開住電腦睇影片 同時攞住電話睇以下嘅「字幕」?) 當中 Tom Hanks 主要係講 網上面有人話個 Woody 公仔把聲其實係佢哥哥 到底孰真孰假 同埋講述番幫 Toy Story 配音時嘅趣事! NORTON: You listen to this. DOLL: Ha ha! […]

咩條件先可以成就一個成功嘅電影配樂師? + 每日一字:you love most vs you love the most

咩條件先可以成就一個成功嘅電影配樂師? + 每日一字:you love most vs you love the most

老師慶幸身邊有唔少以藝術為職業嘅朋友 當中包括唔少音樂人 ? 令自己都沾到丁多文化氣息。 而近年睇住喺電影配樂界裡面發展唔錯嘅一位朋友 啟發咗我最近諗咗一條問題問我嘅青少年學生: 「你覺得咩條件先可以成就一個成功嘅電影配樂師?」 要有高深嘅音樂造詣? 要好鍾意睇戲?? 要好知道一部電影裡面咩時候出咩音樂? 以我所了解 以上嘅故知然緊要 但其實更加緊要嘅係

太平山街一日遊 + 每日一字:wrap up

太平山街一日遊 + 每日一字:wrap up

我同我先生禮拜日兩個太平山街一日遊 行一圈太平山街、飲杯茶、然後行過去 PMQ 夜晚食飯返去太平山街之前行過見到嘅 西班牙餐廳食晚飯 第一幅相一眼望晒佢地全店 十二個位、無餐牌 你首先當佢係一間西班牙食品店 有火腿、肉扒、現成 tapas(西班牙下酒菜、見圖二)、酒等等 你睇啱邊樣嘢,可以買走或好似我地咁即場食 我地要咗沙甸魚、蜆各一 tapas 500g 火腿、一塊豬扒、一個大啡菇意大利飯 另外一杯 house red 加一支有氣礦泉水 連埋送嘅四杯甜酒 埋單每人都好相宜 我懷疑佢淨係收咗我哋食物嘅錢

復仇者聯盟第四集背後嘅教育意義

復仇者聯盟第四集背後嘅教育意義

復仇者聯盟第四集出咗啱啱好三個禮拜 應該唔怕傾喇卦… 不過都係警告一聲

每日一字:my 咀定 mine 咀

每日一字:my 咀定 mine 咀

【咪咀嘅英文係 my 咀定 mine 咀?】 我最鍾意嘅清談節目主持人 Jimmy Fallon 因為喺佢個 talk show 中期 創立咗一個叫 Lip Sync Battle 嘅環節 靈感來自好多人 都鍾意自己一個人喺屋企嘅時候 聽到啲自己好鍾意嘅流行曲 就會情不自禁當自己係歌者一樣 好有感情地咪晒咀跳晒舞做晒台風咁 所以個玩法就係 Jimmy Fallon 同嘉賓 輪流咪咀去表演 然後用觀眾掌聲嘅聲量去斷定冠軍。 後嚟呢個環節喺友台 Spin off 咗出嚟成為一個獨立嘅節目 由 John Legend 太太 Chrissy Tiegen 同饒舌歌手 LL Cool J 做主持 每集邀請嘉賓嚟用咪咀格鬥 然後最後亦係由現場觀眾選出勝出嘅一方 […]

網上騙案之中獎篇

網上騙案之中獎篇

最近網上騙案又有一個層出不窮嘅手法—— 用嘅 logo、相片比以往嘅假 page 質素好好多 然後寫一個帖文 畀一個好似好充分嘅理由 去解釋點解有抽獎(圖一、二) 仲懶係有確實嘅公開中獎名單日期 整到件事似層層咁 令到唔少純情小綿羊會落搭 喺個帖文度留言欲參加抽獎 其實騙徒之後會因為你留過言 然後可以有權限向你發 Facebook 短訊 等你回覆過佢個短訊(圖三) 佢就正式得到你嘅 Facebook 短訊聯繫權限 將你個聯絡賣出去佢地就有錢賺 另外一個賺錢方法就係 到到公開得獎名單嗰日 就話系統有問題聯絡唔到得獎人 然後同你喺線下聯絡(圖四) 到時將你線下嘅聯絡方法賣出去賺錢又得 用再進一步嘅方法呃你亦得 得咗。 應該再叫大家精明啲、有多啲戒心都係無乜用 老師唯有好似今次咁 一見到有層出不窮嘅騙案手法就講解吓 等你地可以將個帖文 傳去畀你哋純純的屋企人、朋友睇 等騙徒奸計唔能夠成功得逞

每日一字:taught

每日一字:taught

最近先發現 原來有唔少大人 將作為 teach 嘅過去式嘅 taught 呢個字 讀得多嘢得滯添 ☺️ 點樣多得滯呢? 等我嘗試講解 個重點就係原來 taught 呢個字 裏面嘅 gh 係無音嘅 我再重申:係真係完全一啲音都冇 兩個字母都冇 即係話你扮見佢地唔到就得喇。 然後中間個 au 音其實同 aw 音一樣 你心諗:「咩 aw 音呀?」 你識嘅 Draw, law, saw 你都識讀,係咪? 咁你再幫我讀一次:draw, law, saw 然後繼續押韻讀 taw 再嚟多次:draw, law, saw, taw 冇錯喇 最後幫我喺 taw […]

焦慮症正是這樣煉成的

焦慮症正是這樣煉成的

明白好多帶畀小朋友焦慮嘅現狀 譬如學業成績、朋輩關係 家長可能暫時未能去作出即時嘅改變。 但作為大人 除咗努力幫佢哋搵解決辦法: 幫手提佢哋溫書做功課 幫佢哋搵辦法吸收好啲, 其實仲有更重要嘅一環 要處理呢一環 我地首先要相信 喺有困難嘅時候 大部分小朋友都願意捱過去 只係佢地需要我地去幫忙疏導佢地嘅情緒—— 記住係疏導 唔係諗辦法幫佢地轉念、移除佢地嘅情緒、 去改變佢地嘅感受 唔好同佢地講: 「唔駛唔開心架!大把人呀….」 「咁大個仲喊,係咪男仔嚟架?唔好喊啦!」 「讀書係辛苦架啦!我做嘢都辛苦啦!」 我清楚以上嘅說話嘅後果 因為我都係焦慮症嘅過來人 嘗試閱讀過無數嘅 self-help 書 去學無數嘅技巧 自問好努力地喺內在去協助自己 去喺需要嘅時候處理自己嘅負面情緒 發現身邊人其實可以幫到好多—— 當佢地被感覺到佢地明白 或者只係陪伴 竟然已經可以融化好多嘅負面情緒 遠比自己去努力轉念 遠比幾多嘅分析、幾多嘅建議嚟得有用 特別喺大人咁理智、好有智慧嘅分析嘅跟前 小朋友好多時未必能立刻照跟著做 佢地覺得自己無用之餘 以後嘅負面情緒收喺心裡面 以後唔敢同咁有智慧嘅大人分享 然後 我相信 好多嘅焦慮症 正是這樣煉成的

「喊有咩用?喊嚟做乜?」

「喊有咩用?喊嚟做乜?」

我唔認識呂慧儀小姐 亦無跟進佢嘅感情狀況及有關新聞 但我見到呢個標題後好想話畀佢聽 叫佢畀自己喊 因為喊冇錯係對實體嘅現狀唔會有任何改變 而所以令我哋經常覺得、經常講: 「喊有咩用?喊嚟做乜?」 但其實喊係有兩個非常有用同緊要嘅用處 首先係正如我地急尿要去小便一樣 當我地感動或傷心時好自然會想喊 情緒就會排咁啲出嚟 叫自己唔好喊同唔畀自己去小便一樣 都唔係黃道 更重要嘅係 排咁啲情緒出嚟後 心裡面少啲情緒紛擾我地 對思路清晰好有幫助 可以幫我地更清晰地去評估事件同作決定 Miss Joey 希望同呂慧儀小姐 同埋平時唔俾自己喊 或希望制止身邊人喊嘅同學 共勉之 ??? 相關新聞:失婚呂慧儀發文自勉:明白哭根本無用

每日一字:Earl Grey tea

每日一字:Earl Grey tea

近年見得多 earl 呢個字 應該都係多得好受歡迎嘅英式黑茶 Earl Grey tea ☕️ 可能 earl 嘅第一個字母係 e 嘅關係 令唔少人將呢個字讀成 L 即係 L Grey 咁 如果你都係嘅話 就留意番喇 你睇真啲佢個串法 係同兩個我哋好熟悉嘅英文字好接近 一個係解珍珠嘅 pearl 一個係解早嘅 early 如果你做到嘅話 試吓將 pearl 拎走佢第一個 p 音去讀 就係 earl 嘅讀法 唔得嘅話 試吓用 early 呢個字吖 Early 呢個字有兩節,係咪? 你將 early 第二節拎走 […]

聽歌學英文之 【I’ll Always Remember Us This Way 我會永遠記著我們此刻的模樣】

聽歌學英文之 【I’ll Always Remember Us This Way 我會永遠記著我們此刻的模樣】

三個月前睇 A Star is Born 到今日仲喺度 loop 緊隻電影原聲大碟 而其實比起主題曲 Shallow 同埋觸動好多觀眾淚腺嘅 I’ll Never Love Again 自己更鍾意 I’ll Always Remember Us This Way 因為硬係覺得 I’ll Never Love Again 好刻意催淚 反而呢一首歌為呢一對戀人 紀錄底佢地熱戀之時最感動嘅一刻 於是決定試吓將呢首歌嘅歌詞逐句翻譯成中文 去畀聽過或未聽過嘅同學 感受下當中嘅意境用意思! 備註: choke up- 係一個解哽咽嘅動詞片語 Arizona- 亞利桑那州係片中 Bradley Cooper 演出嘅角色 Jackson Maine 所居住嘅州份 […]

每日一字:raise up vs raise

每日一字:raise up vs raise

如果我地想講: 「今日喺會議裡面你地提出嘅嗰個問題…」 提出提出,有提有出,咁英文實係 raise up 啦!咁等我英文咁講先: 「The issue you raised up in the meeting today…」 無錯係用 raise,但原來只係用 raise 就已經係代表提出,而 raise up 就留畀 Celine Tam 小朋友唱 You Raise Me Up. 點解佢用得我哋又唔用得呢?等 Miss Joey 試吓解釋吓先。 Raise 有好多個唔同意思,包括提出、舉起、提升或湊大等等。注意佢裏面已經包含出、起、升同大。所以正常情況,後面都唔需要加 up. He raised an interesting question in class. My son […]

情緒補習班之人云亦云篇

情緒補習班之人云亦云篇

【Miss Joey 情緒補習班之人云亦云篇】 我決定咗呢個禮拜教小朋友英文嘅同時 重點教育佢地 唔好 whatsapp 見到乜就信乜 或是同學話咩就話咩: 司機死咗? 佢無拉手掣停車埋一邊食煙抵佢死? 搵個身去擋車咁冇腦? 唔係要去幫個司機 只係就算等唔切調查、判決 都唔好人云亦云 因為就算負責帶畀我哋第一手消息嘅新聞報導 都會因為傳媒可能為咗搶先報導 搶收視搶點擊 標明係據聞乜乜乜、懷疑咩咩咩 就乜都講咗先、寫咗先算 甚至乎有圖有片但無前無後 都未必有真相 由舊年嘅元朗食店被指賣狗肉事件 到今次嘅交通意外 令好多人都被太早嘅流言誤導 於是我覺得我有責任去教育我嘅學生 去令佢地可能被誤以為係「港豬」 但喺我眼中 係「未能看清事件就避免妄下判斷嘅智者」 有關新聞: 【北角車禍】以身擋車司機為退役英軍 前同僚:實死㗎,想頂一頂

網上行騙之算命篇

網上行騙之算命篇

【Miss Joey 電腦堂之網上行騙篇】 有人話免費幫你算命—— 叫你等一陣 然後入後台喺一個抽獎箱裡面 隨便抽一張紙條出嚟讀畀你聽 話呢個係你嘅過去或將來 其實張張紙都特登寫啲大部份人都啱聽嘅說話 等你聽完之後開開心心 然後呼籲你去叫多啲人嚟玩 仲要等你以為唔使錢 但其實喺你背後扒咗你荷包 你覺得冇人會咁蠢去信 或者呢個虛構嘅情況唔會發生? 其實近排好流行喺 Facebook 上面嘅 OMG 算命程式就 exactly 係咁樣 喺一啲嘅計算方程式都冇嘅情況底下 隨機抽一啲你好啱聽嘅答案俾你 吸引你睇完之後喺 Facebook 分享俾朋友 幫佢繼續宣傳賣廣告。 大家純粹玩得開心、又唔駛畀錢 其實都唔緊要 就算你選擇去俾錢都唔緊要 問題係你以為無蝕底 但佢其實喺你背後透過近日 Facebook Messenger 嘅新設計 得到咗你帳戶一啲嘅權限同資料 我知道再叫大家唔好亂玩、亂 post 要精明啲,都係廢話 因為騙徒嘅手法層出不窮 Miss Joey 唯有繼續見步行步 見到有咩騙案盡快出聲 […]

每日一字:there is/are vs there was/were

每日一字:there is/are vs there was/were

【嗰度有 ≠ there have 之下集】 承上集繼續講幾時用 there is/was 幾時用 there are/were 我假設大家知道平時咩單數就用 is/was 眾數就用 are/were 咁如果我地想講 三間廠裏面有一粒糖 或者 一間廠裏面有三粒糖 到底當佢係單數定眾數!!?? 喺正常情況下 原來個答案正正係睇你想講喺度嘅嗰啲嘢 譬如你想講 三間廠裏便有一粒糖 我哋就睇糖 所以英文係 There is a candy in the 3 factories. 至於 一間廠裏面有三粒糖 我地就繼續睇糖 亦因為今次係三粒 所以英文係 There are 3 candies in the […]

每日一字:there have vs there is

每日一字:there have vs there is

【嗰度有 ≠ there have 之上集】 「嗰度有好多嘢食架!」 「嗰度有多嘢玩架!」 「嗰度有好多人。」 無錯: 嗰度 = there 有 = have 但記住原來中文嘅嗰度有 要用英文去表達並唔係直譯嘅 there have 一個地方以前有,係 there was 或 there were 一個地方宜家有,係 there is 或 there are 下一集講講幾時用 there is/was 幾時用 there are/were 廣告時間: 如果你由細到大都好希望有一日可以搞番清楚啲 tenses 可以參加 Miss Joey 英語文法班之 Tenses(動詞時態)篇! […]

每日一字:mum vs madam

每日一字:mum vs madam

【做乜工人姐姐要叫我 mum??】 啱啱喺越南旅遊嘅途中 收到身處於台灣嘅朋友喺 Facebook 私訊問 如果嚟緊有個 event 要代表佢嘅界別 有機會見到總統 應該點用英文同蔡英文打招呼 首先,呢件事了結咗我多年嚟嘅心願 希望有一日會聽到英文同蔡英文被扯埋一齊講!☺️ 再者,我好戥我朋友光榮 亦感到好榮幸可以被問及我嘅建議 以策萬全 我無建議畀朋友一個太花巧嘅講法 純粹教佢 My honor to meet you. 至於跟手嘅稱呼方面 我地聽得多美國人稱呼男總統做 Mr. President 咁到底應該點稱呼一名女總統 我地即管一齊研究吓 假設蔡英文經已結婚 我地都唔應該叫佢 Mrs. President 因為呢個係留畀男總統嘅太太嘅稱謂 至於畀我地去稱呼本身自己擁有高官地位嘅女士 或者去表示尊敬之心去稱呼一位女性 無論佢結咗婚未 喺英文裡面我地都會用 Madam 呢個稱謂 譬如 Madam President, Madam Justice […]

每日一字:could/should/would have

每日一字:could/should/would have

【真人真事學英文】 今日想用一個發生喺我身上嘅真人真事去教大家英文 話說我覺得一個地方嘅廁所係好緊要 好可以影響個地方俾人嘅印象 所以我希望將課室嘅廁所整靚啲俾我啲學生用 仲會為晚間嘅成人小組班喺廁所點好香嘅蠟燭添 咁又話說大半年前 喺曼谷一個偏遠地區嘅市集裡面嘅一間細舖頭 買咗兩個用有機蘋果製成嘅蠟燭 好香好天然 然後不知不覺間喺十月頭用晒 幾經辛苦先用咗一個禮拜時間喺網上刮到個店主嘅聯絡 同發現到原來啲蠟燭係 Strongbow 呢個英國嘅 apple cider 牌子 為進駐曼谷市場而宣傳嘅一個限定商品 店主賣剩 19 個 我就好豪氣地同佢要晒佢 不過因為蠟燭有番咁上下重量 而所以又花咗啲時間去搵出最平嘅運輸方法 最後係決定用話需時一個月嘅泰國郵政海運 終於喺十月尾賣家 send 一幅個包裹嘅相畀我 通知我佢寄出咗啲蠟燭去我畀佢嘅課室地址 而我亦心滿意足地期待佢地嘅來臨喇 因為太開心嘅關係 到第二日都一得閒就會「欣賞」吓賣家發俾我個包裹嘅相 就喺我某一下喺度欣賞張相嘅時候 仔細一睇 先突然發現原來我畀咗個錯嘅地址畀賣家! 平時枉為朋友間嘅一個上網購物達人 竟然因為過度興奮而將地址裡面兩個號碼掉轉咗! 老貓燒鬚 點算??? 最後一如所料 問過香港郵政同泰國郵政 兩頭都唔接受幫寄出嘅件改地址 唯一剩番嘅方法 就係諗住去錯嘅地址同該公司講聲 […]

Headspace

Headspace

Miss Joey 想幫大家學好英文 但其實更關注大家嘅情緒健康 話說喺好多年前跟朋友去台中 參加一個無任何宗教意味嘅十天打坐營 畢業當日六十位同學都好似學有所成 得我仲停留喺頭一日嘅進度 諗住返到嚟消化吓之後可能會好啲 但咁多年嚟一直覺得自己未掌握到打坐嘅技巧 令自己覺得幾有挫敗感 直至近年因為工作需要不斷於情緒方面自我進修 發現無論心理學、心理輔導、Life Coaching 甚至乎瑜珈、New Age 方面嘅工作者 都有建議用打坐去改善情緒健康 話打坐除咗可以幫我地處理長期積落嚟嘅負面情緒 當中我地所獲得嘅一啲技巧 可以幫我地於日常生活中帶嚟更平穩嘅情緒 減少壓力、不安、焦慮、各種痛症對我地嘅影響 甚至乎協助改善癮症、失眠、記性同專注力 長遠對身體健康都有唔少幫助 最近工作實在忙碌得要緊 於是我的起心肝去搵個 app 嚟引導自己打吓坐 而畀我搵到呢個風魔唔少西方國家、嚟自英國嘅 Headspace app 我暫時用咗一個月 覺得佢有帶到畀我預期嘅效果 所以急不及待同大家分享 呢個 app 全程由一位嚟自英國嘅打坐導師提供聲音導航 用你地最喜愛嘅英國口音慢慢地指導我地如何打坐 頭十日免費 過咗十日之後如果想繼續用 可以用優惠代碼 actofhappiness 去獲得三個月免費會籍 加上如果你日日都開一開 會獎你更加多月嘅會籍 […]

每日一字:drop vs fall

每日一字:drop vs fall

今日教青少年英文班時提到呢兩個字 醒起不如都寫一寫出嚟畀大家知道先 Fall 同 drop 兩個唔係同義詞 但兩個嘅廣東話都係跌 搞到我地用呢兩個字用到亂晒 好彩佢哋兩個嘅普通話唔一樣 而佢地嘅普通話就正正分別係丟同掉 Drop 嘅普通話係丟,如果你想話: 我跌咗個電話呀⋯⋯? 我個 keyboard 跌咗粒字出嚟 隻狗仔跌咗粒 poo poo 喺地毯 普通話就係話: 我丟了電話耶⋯⋯ 我的鍵盤丟出一粒字母來 小狗丟了顆便便在地毯上 呢啲就只能用 drop: I dropped my phone……? The keyboard dropped a key. The puppy dropped a poop on the carpet. 注意以上嘅例子都係將擁有人放開頭 而唔係將跌落嚟嗰樣嘢放喺開頭 […]